Dans la mme rubrique

Tonia mpampanoa lalàna Odette Balisama “Tsy nandray kolikoly izany aho"

19/01/2018

Nanao fanambarana teny amin' ny lapan'ny fitsarana Anosy omaly ny Tonia mpampanoa lalàna eo anivon’ny fitsarana ambaratonga voalohany, Rtoa Razafimelisoa Odette Balisama.

Tonia mpampanoa lalàna Odette Balisama “Tsy nandray kolikoly izany aho"

Hamaky ny tohiny...

Minisitry ny fitsarana nandray 70 000 Euros Miantso ny Bianco ny SMM

19/01/2018

Nandefa fangatahana tany amin’ny Birao mahaleotena misahana amin’ny ady amin’ny kolikoly na ny Bianco momba ny hanaovany fanadihadiana lalina mikasika ilay ampamoaka nataon’ilay Frantsay ho nanome volabe ny minisitry ny fitsarana, tonia mpampanoa lalàna, tale kabinetran’ny minisiteran’ny fitsarana,…

Minisitry ny fitsarana nandray 70 000 Euros Miantso ny Bianco ny SMM

Hamaky ny tohiny...

Rivodoza Berguitta Nandravarava an’i Maorisy sy La Réunion

19/01/2018

Tany amin'ny 955 km Atsinanan’i Nosy Varika no nisy ny foiben’ilay rivodoza Berguitta omaly alakamisy 18 janoary tamin’ny atoandro. Nitondra rivotra 102 Km/ora izy, narahina tafiotra 144 Km/ora. Manafaingana ny diany mianatsimo andrefana izy ary mahafaka 24 Km/ora. Tsy hiditra eto Madagasikara izy fa tombanana ho amin’ny antonony kosa ny rotsak’orana hoentiny any amin’ny faritra Atsimo amin’ny faran’ny herinandro.

Rivodoza Berguitta Nandravarava an’i Maorisy sy La Réunion

Hamaky ny tohiny...

Sambo miditra eto Madagasikara Tsy tokony hanao tandrevaka isika, hoy ny manampahaizana

19/01/2018

Firenena manana ny fiandrianany i Madagasikara, izay voafaritra amin’ny hoe fetra an-tanety sy ana habakabaka ary an-dranomasina.

Sambo miditra eto Madagasikara Tsy tokony hanao tandrevaka isika, hoy ny manampahaizana

Hamaky ny tohiny...

Raharaha volabe 70 000 Euros Tsy mety miloa-bava ilay minisitra

18/01/2018

Niandry izay fanambarana ofisialin’ny minisitry ny fitsarana Rasolo Elise Alexandrine ny rehetra manoloana ny raharaha mafana momba ilay fanambaran’ilay Frantsay Houcine Arfa nilaza fa nandoa volabe 70 000 Euros taminy ho saran’ny fanafahana azy, saingy tsy nisy izany hatramin’izao.

Raharaha volabe 70 000 Euros Tsy mety miloa-bava ilay minisitra

Hamaky ny tohiny...

Didy mikasika ny raharaha Sygmma Andrasana amin’ny 26 janoary

18/01/2018

Mitohy ny fifandonana eo anivon’ireo tantsambo mpikambana eo anivon’ny Sygmma na ny sendikan’izany eto Madagasikara tarihin’ny sekretera jeneraliny Lucien Razafindraibe an-daniny sy Basola Nomenjanahary, an-kilany.

Didy mikasika ny raharaha Sygmma Andrasana amin’ny 26 janoary

Hamaky ny tohiny...

EPP Antandrokomby Anosizato andrefana Saika tsy nety niala ireo traboina sasany

18/01/2018

Saika tsy nety niala ireo traboina sasany natoby tetsy amin’ny EPP Antandrokomby Anosizato Andrefana, indrindra fa ireo nipetraka tao amin’ny trano natokana hianaran’ny préscolaire.

EPP Antandrokomby Anosizato andrefana Saika tsy nety niala ireo traboina sasany

Hamaky ny tohiny...


Actualits

Karaman’ny mpiasam-panjakana Mety hiakatra 15 %

12/01/2018

Mandeha ny feo amin’izao fotoana fa mety hakarina ihany ny karaman’ny mpiasam-panjakana, taorian’ny fahadisoam-panantenan’ny maro tamin’ny kabarin’ny filoham-pirenena teny Iavoloha ny 5 janoary lasa teo.

 

Raha ny resaka mivoaka dia mety hanonitra sy hamafa izay fahadisoam-panantenana izay sy haka ny fon’ny mpiasam-panjakana ny fitondrana satria akaiky rahateo ny fifidianana. Raha ny voasoratra ao amin’ny tetibolam-panjakana 2018, dia voalaza fa 8% ny fisondrotan-karama, saingy ninian’ny filoha tsy noresahina nandritra iny fifampiarahabana teny Iavoloha iny, izany hoe tsy ampiharina na koa miandry fotoana. Raha ny tsilian-tsofina hatrany kosa anefa, dia tena hanao izay mety mihitsy ny fanjakana hakana ny fon’ny rehetra fonksionera, ka hihoatra ny mahazatra hatramin’izay ny fampiakarana katsahina hatao satria re fa mety ho 15% izany. Tsy mbola nisy kosa ny vaovao ofisialy, fa dia miandry izay hiseho ny rehetra. Maro no mbola manana fanantenana ka mihevitra fa hatao tahaka ilay fanenan-tsazy ho an’ny voafonja hoe amin’ny alalan’ny didim-panjakana fotsiny, fa tsy noresahin’ny filoha tao anatin’ny kabariny, raha hotanterahina tokoa. Vao tsy ela akory izay ny minisitry ny vola sy ny tetibola no nanipy teny amin’ny fahavononana, raha toa ka misy ny fanovana, toy ny fampiakarana amin’ny alalan’ny fikajiana ny mari-karama. Miandry ny rehetra, indrindra ny mpiasam-panjakana. Fanapahan-kevitra politika tanteraka mantsy io ary any amin’ny filoham-pirenena ny fanalahidiny. Etsy an-daniny, manao tsindry mafy amin’ny fandaniambolam-panjakana ny mpamatsy vola, izay manery ny fanjakana hampihena izany, toy ny tosika ara-bola hanampiana ny Jirama, ka dia io ampiakarina io ny sandan’ny herinaratra ho an’ireo mandany mihoatra ny 25Kwh isam-bolana hanentsenana ilay fanenana ny fanampian’ny fanjakana. Mety hisy zavatra lehibe hafa tsy maintsy hampandeferina, raha toa ka hisy tokoa ny fampisondrotana mihoatra ny 8%. Miandry izay ho tohiny ny rehetra, fa ny azo antoka aloha dia tsy maintsy hitady izay fomba rehetra hifikirany amin’ny fahefana ny mpitondra ankehitriny, ka anisan’ny matetika fanao ny fanambazana ny mpiasam-panjakana. Mbola maro rahateo no tsy faly amin’ny fanjakana noho ilay fahatapahan-karama ny volana desambra teo, ka maro ny nahita faisana tao anatin’ny fety.


Toky R

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana