Fil d'actualités du 20/01/2018

  • 20/01/2018 - 23:30 : TOVOVAVIKELY TSY HITA: Tovovavy antsoina hoe Koloina Ramandimbisoa, monina eny Andohalo no tsy hita popoka nanomboka androany hariva.

  • 20/01/2018 - 22:00 : ANOSIMASINA ITAOSY: Nitokona indray ny mponina io hariva io noho ny fahatapahan'ny jiro lava reny. Tonga teny an-toerana ny mpitandro ny filaminana nanara-maso ny mety ho fihoaram-pefy.

  • 20/01/2018 - 16:30 : SUPER COUPE DE MADAGASCAR: Lasan'ny CNAPS Sport ny amboara satria resiny tamin'ny isa 1-0 ny Fosa Juniors raha toa ka 0-0 tamin'ny lalao mandroso.

  • 20/01/2018 - 14:30 : BAOLINA KITRA: Tonga miatrika ny "Super coupe de Madagascar" ny mpanazatra ny Barean'i Madagasikara Nicolas Dupuis.

  • 20/01/2018 - 13:30 : HARRY LAURENT RAHAJASON: Nambarany androany fa olona mpiserasera sy mpikirakira ny tambajotran-tserasera Facebook an' ny Antoko TIM no namoaka ilay resaka milaza fa manapatra fahefana sy manao fanararaotana ara-nofo amin'ny mpiasan'ny minisitera ny tenany.

  • 20/01/2018 - 12:30 : ANDRY RAJOELINA: Tsy manana olana amin'i Marc Ravalomanana aho, hoy izy raha nanontanian'ny gazety iray momba ny mety hiarahan'ny andaniny sy ny ankilany amin'ny fifidianana.

  • 20/01/2018 - 12:00 : FITSARANA AN'I MARC RAVALOMANANA: Tena marina ny filazan'ny filiha teo aloha fa fitsarana tsy mahefa no nitsarana azy, hoy ny mpisolovava Willy Razafinjatovo na Olala.

  • 20/01/2018 - 11:30 : HAINO AMAN-JERIM-PANJAKANA: Nahazo "emetteurs" vaovao ny any Brickaville sy Vatomandry, ka efa miverina ny fahafahan'ny olona manaraka ny TVM sy RNM.

  • 20/01/2018 - 11:00 : HERINARATRA: Tsy ho fantatry ny mponin'Antananarivo intsony izany delestazy izany satria efa 182Mwh izao no vakirin'ireo milina 3 eny Ambohimanambola, ka ny fahanteran'ny "transformateurs" na ny halatra tariby no mety hiteraka fahatapahana, hoy Rajaonarimampianina.

  • 20/01/2018 - 10:30 : KAOMININA IVATO: Misokatra hatrany ny biraon'ny Fokontany rehetra anio Asabotsy 20 sy ny Alahady 21 Janoary sy ny 27,28 Janoary 2018 ary ny andavanandro mba ahafahan'ny tsirairay manamarina ny anarany anaty lisi-pifidianana.

Voir plus d'infos...

19/01/2018

Plus d'infos...

Plus d'infos...


Archive du 20180103

Misongadina

Mpanara-dia an’i Dadavalo Efa mivonona amin’ny zava-drehetra

03/01/2018

Natomboka tamin’ny fanamarinana ny anarana ao anaty lisi-pifidiananana nanomboka ny volana desambra teo ny fiomanan’ireo zanak’i Dada na ny mpomba an’i Marc Ravalomanana amin’ny fiatrehana ny fifidianana filoham-pirenena. Izay no anton’ny fihaonana sy fizaram-baovao izay efa nosantarina teny amin’ny Magro Behoririka ary aparitaka manerana ny nosy.

Hamaky ny tohiny...

Politique

Andry Rajoelina Amin’ny 2023 vao mety hahita mangirana

03/01/2018

Loharanom-baovao avy amin’olona tsara sitra-po niatrika fivorian’ny fikambanana sy vovonana miankina amin’ny fiangonan-dehibe iray eto Madagasikara, tany amin’iny faritra Fianarantsoa iny no nahalalana, fa raha nafenimpenina hatramin’izay dia vaky ihany ny resaka hoe hanohana an’i Andry Rajoelina izy ireo amin’ny fifidianana hatao amin’ity taona 2018 ity.

Hamaky ny tohiny...

Raharaha 7 febroary Atao fitaovana hanilihana kandida

03/01/2018

Voizina mafy amin’izao fotoana izao ny raharaha 7 febroary 2009 nisian’ny fitifirana teny amin’ny Lapam-panjakana Ambohitsorohitra nandritra ny fananihan-dapa notarihan’ny mpanongam-panjakana tamin’izany vahoaka teny an-toerana. Mbola baraingo hatramin’izao kosa ny tena marina ao ambadik’iny raharaha iny hoe: iza marina no fositra? Ny zavatra mahatalanjona voalohany indrindra dia ny hoe nahoana no tsy nisy na iray tamin’ireo nitarika ny fihetsiketsehana aza maty na naratra, kanefa izy ireo no lohalaharana?

Hamaky ny tohiny...

Hery Rajaonarimampianina Hifatraran’ny rihitra rehetra

03/01/2018

Manodidina ny 2600Ar ny sandan’ny 1 Euro ny taona 2014 nandraisan’ny Filoham-pirenena Hery Rajaonarimampianina ny fitantanana ny firenena, ary tafakatra 4000 Ar izany aty amin’ny 4 taona aty aoriana. Mpahay toekarena sy manam-pahaizana ambony momba izany ny filoha ankehitriny, saingy toa maneso azy izany ankehitriny. Ny filoha ve izany no tsy mahay sa inona no antony tena mampitotongana ny toekarena?

Hamaky ny tohiny...

Actualits

Rivodoza AVA Hiditra an-tanety rahampitso…

03/01/2018

Namoaka naoty maneho ny tatitra mikasika ny toetr’andro ny Minisiteran’ny fitaterana sy ny famantarana ny toetr’andro omaly maraina. Nivoitra tamin’izany, fa misy rivodoza miforona ao amin'ny ranomasimbe Indianina, ka maly tamin'ny 09 ora teo dia tany amin'ny 550Km Atsinanan'i Sainte Marie no nisy azy. Araky ny vinavina dia hitombo hery izy ary ahiana hiditra an-tanety rahampitso alakamisy 04 na ny zoma 05 janoary 2018.

Hamaky ny tohiny...

Fety tany Toamasina Mpanendaka iray maty voatifitry ny polisy

03/01/2018

Nihena be tsy tahaky ny isan-taona ny tranga noraisin’ny mpitsabo eo anivon’ny Vonjy Taitra ny Hopitaly be Toamasina tamin’ity taona ity. Raha ny tranga noraisin’izy ireo notsaboina dia niisa 85 izany ny alahady sy ny alatsinainy teo

Hamaky ny tohiny...

Edito

Ny omaly tsy miova

03/01/2018

Somary mangingina aloha hatramin’izao ny resaka politika noho isika vao avy niatrika ny fetin’ny faran’ny taona sy ny fitsenana ny taom-baovao. Mbola somary mipiripirina ny rehetra, saingy isan’ny zavatra lehibe hitodihan’ny sain’ny maro izao dia ilay fifampiharahabana noho ny asaramanitra eny amin’ny Lapam-panjakana Iavoloha ny 05 janoary ho avy izao.

Hamaky ny tohiny...

Fahasalamana

Fahavaratra, rano miakatra Fotoanan’ny aretin-kibo, tokony ho mailo ny rehetra

03/01/2018

Ny vanim-potoanan’ny fahavaratra tahaka izao no fotoanan’ny aretin-kibo noho ny habetsahan’ny ranon’orana sy ny fiakaran’ny voankazo maro samihafa eny an-tsena. Mila mailo ny tsirairay manoloana izany, raha araka ny fanazavan’ny dokotera Fidy Bariniaina.

Hamaky ny tohiny...

Toekarena

Fitotongan’ny Ariary Tsy vahaolana ny fanafoanana ny MID, hoy i Patrick Randriamisata

03/01/2018

Mitotongana tanteraka ny sandan’ny vola ariary eo anatrehan’ny vola vahiny satria efa manodidina ny 4000Ar mihoatra na latsaka kely izany amin’izao fotoana izao, ka ny tsenan’ny takalo ara-bola na ny MID (Marché Inter-bancaire des devises) no tena antony.

Hamaky ny tohiny...

Miakatra indray ny vidim-bary 700 Ar ny iray kapoaka amin’ny makalioka

03/01/2018

Na dia efa nisy aza ny ezaka nataon’ny Ministeran’ny Varotra tamin’ny fanafarana vary avy any ivelany mba hahafahana mampihena ny vidim-bary eto an-toerana, indrindra fa ny eto an-drenivohitra dia mbola tsy mitsaha-miakatra hatrany ny vidim-bary, indrindra fa ny vary zana-tany.

Hamaky ny tohiny...

Copyright 2009 Tia Tanindrazana