/* Google reCaptcha JS */

Fil d'actualités du 22/06/2017

  • 22/06/2017 - 15:00 : Hopitaly Befelatanana: Nohatsaraina ny trano fiterahana eny amin’ity hopitaly ity, ka fiaraha-miasa tamin’ny sehatra tsy miankina sy ny mpamatsy vola ary ny governemanta Japoney no nahavitana izany. Novatsiana ara-pitaovana ihany koa Sampana fitsaboana fo, ka ny orinasa jovena, no niantoka izany. Nitokana ny fahavitan’izany fanatsarana sy fampitaovana izany teny an-toerana ny filoham-pirenena Hery Rajaonarimampianina ny maraina teo.

  • 22/06/2017 - 14:30 : Fikambanana Zana-dranavalona : Hankalaza ny alahamady ny sabotsy 24 jona ho avy izao ny Fikambanana Zana-dRanavalona avy eny Anosimanjaka. Mifanandrify amin’ny fanisan’andro nataon-dRalambo sy ny abibo izy io, hoy Ravelonarivo Alain Eddy avy amin’ny fikambanana. Eny Anosimanjakana no hanamarihana izany, ka “Taom-baovaovao eto Imerina” no anarana nosafidian’ny zana-dranavalona hoenti-manatanteraka ny hetsika. Hisy ny hiragasy goavana hamaranana ny hetsika ny 25 jona.

  • 22/06/2017 - 14:00 : Fanadinana CEPE: Ny 25 jona izao no hivoahan'ny valim-panadinana CEPE ho an'ny Fari-piadidiam-pampianarana Antananarivo Renivohitra Raha tsy misy ny fiovana. Efa vita ny 21 jona teo ny fitsarana ny taratasim-panadinana ho an'ireo foibem-panadinana miisa 15, ka nanomboka androany 22 jona ny fampidirana ny naoty ao anaty solosaina.

  • 22/06/2017 - 13:30 : Marc Ravalomanana: Namangy an'i Jean Charest mivady, praiministr'i Québec teo aloha (2003-2012) ny filoha teo aloha Marc Ravalomanana sy ramatoa ben'ny tanàna vadiny androany. Mpinamana sy mifankahalala tsara ity praiminisitra teo aloha ity sy i Marc Ravalomanana.

  • 22/06/2017 - 13:00 : Raharaha Claudine Razaimamonjy: Narirarira ny mpanao gazety androany tamin'ny resaka fandehanana ho any amin'ny fonjan'i Manjakandriana hanamarina ny maha any an-toerana an'i Claudine Razaimamonjy, ka niparitaka sy nanao asa hafa ny ankamaroany.

  • 22/06/2017 - 12:30 : Antenimieram-pirenena Tsimbazaza _Fananganana ny parlemanteran'ny tanora: Hosokafana amin’ny fomba ofisialy anio 22 jona tolakandro eny amin’ny Antenimieram-pirenena ny Parlemanteran’ny tanora na ny PNJ.

  • 22/06/2017 - 12:00 : Raharaha Claudine Razaimamonjy: Manao fidinana ifotony any Manjakandriana ny Minisiteran'ny fitsarana sy ny fandraharana ny fonja anio 22 jona mba hanamarinana amin'ny maha ao an-toerana ity mpanolontsain'ny filoham-pirenena ity.

  • 22/06/2017 - 11:30 : Antenimieram-pirenena: Hatao ny 29-30 jona izao ny fifanatrehana eo amin'ny governemanta sy ny solombavambahoaka mba hahafahan'ireo minisitra mamaly ny fanontaniana napetraky ny solombavambahoaka tamin'ny fifanatrehana farany sy hitondran'izy ireo fanazavana kokoa momba ny asany sy ireo tatitra isan-karazany.

  • 22/06/2017 - 11:00 : Mpanakanto Gangstabab _Raikitra ny fitoriana: Nilaza ny rain'ny zazavavy kely iray vao 11 taona tafiditra tao anatin'ny horonantsarin'ilay hiran'i Gangstabab "Atosika tsara" fa tsy nahazoana alalana ny fampanaovana ilay "clip" ny zanany, mpianatra amina sekoly katolika malaza eto an-drenivohitra, izay nanao dia fibeazana tany Foulpointe. Anio no fotoana nambaran'ny rain'io zazavavy io hametrahana fitoriana.

  • 22/06/2017 - 10:30 : Lapan’ny tanàna Analakely _Fampiratiana: Tontosaina manomboka anio 22 jona ka hatramin’ny 25 jona eny amin’ny Lapan’ny tanàna Analakely ny fampiratiana mikasika ny tantaran’I Madagasikara, izay karakarain’ny ANTA (Agence National Taratra).

Voir plus d'infos...

22/06/2017

Plus d'infos...

Plus d'infos...

Handefa fitarainana kolikoly

Manome toky ny gazety Tia Tanindrazana fa hiaro sy hitazona ho tsiambaratelo ny loharanom-baovao rehetra araka ny hameran’ny lalàna azy. Noho izany dia miantoka ihany koa ny fiarovana ny fitaovana rehetra ampiasaina ny Tia Tanindrazana mba tena hijanona ho tsiambaratelo ny fitarainana voaray.

SATA IFAMPIFEHEZANA

Mitondra ny anjara birikiny amin’ny ady amin’ny kolikoly sy ny fametrahana ny fanjakana tsara tantana eto Madagasikara ny gazety Tia Tanindrazana. Ka sehatra iray noforonina mba hanatanterahana izany indrindra ny vovonana «Fongoriko ny Kolikoly», hita ao anaty gazety Tia Tanindrazana sy ao amin’ny tranonkalany ary hamoronana « application » ho an’ny finday sy ny tablety ihany koa.

Tanjona ny hamaky bantsilana sy hampiseho masoandro ny trangana kolikoly mahazo ny olom-pirenena amin’ny andavanandrom-piainany.Mampahafantatra ny tanjon’ny vovonana «Fongoriko ny Kolikoly » ity sata ity no sady mamaritra ny fomba fiasa hanatanterahana azy mba tena ho fitaovana mahomby sy maharitra hanovana an’i Madagasikara tokoa izy.

Tanjona :

Mandray sy manangona ny fitarainana rehetra manerana an’i Madagasikara momba ny trangana kolikoly ny «Fongoriko ny Kolikoly ». Mitondra porofo an-tsoratra, amina horonam-peo sy horonan-tsary manamarina ny tranga misy. Hitondra ny anjara birikiny amin’ny fanovana ny foto-pisainan’ireo zatra manao kolikoly.

Fepetra :

Ny gazety Tia Tanindrazana sy ny mpikirakira ny tranokala dia tsy mamoaka :

-tranga misy loko politika, ara-pivavahana,ara-poko na miendrika fanavakavaham-bolon-koditra

-tranga misy tanjona ara-barotra

-tranga mety hitarika korontana sy savorovoro

Sy ireo tranga na zava-miseho hafa rehetra mifanohitra amin’ny tanjona napetraky ny vovonana “Fongoriko ny Kolikoly” dia ny ady amin’ny kolikoly izany.

Endrika sy mombamomba azy:

Tranokala (site internet) sy « application mobile » kirakiran’ny mpanao gazetin’ny Tia Tanindrazana ny “Fongoriko ny Kolikoly” ary mivoaka ao anatin’ny gazety Tia Tanindrazana ihany koa.Manaraka ny teknôlôjia izy ity ka noho izany mampiasa ireo singa rehetra mahazatra mandrafitra izany tahaka ny :

-        Un Système d’identification

-        Un module de gestion des alertes et notifications

-        Un module de dénonciation

-        Un module de consultation des cas de corruption

-        Un module de partage vers les réseaux sociaux

-        Un moteur de recherche par mot clé ou par catégorie

 

 

 

Fampiasana azy :

Afaka ampiasain’ny olona rehetra manana adiresy e-mail ity sehatra ity saingy tsy maintsy misoratra anarana sy milaza ny mombamomba azy ny tsirairay mba hisorohana fanalam-baraka sy fiampangana tsy mitombina.

Manome toky ny gazety Tia Tanindrazana fa hiaro sy hitazona ho tsiambaratelo ny loaharanom-baovao rehetra araka ny hameran’ny lalàna azy. Noho izany dia miantoka ihany koa ny fiarovana ny fitaovana rehetra ampiasaina ny Tia Tanindrazana mba tena hijanona ho tsambaratelo ny fitarainana voaray.

Fandikana ny fifanarahana :

Esorin’ny mpikirakira ny tranokala avy hatrany ireo olona mampiasa ny vovonana «Fongoriko ny Kolikoly» tsy manaja ny fifanarahana ary mamerina izany matetika. Afaka entina eny amin’ireo ambaratongam-pahefana misy ny raharaha mampifanolana.

Ekeko ny sata ifampifehezana / J'accepte les conditions d'utilisation
voir les détails

Porofo / Preuve: raha afaka manome porofo / si vous pouvez fournir une preuve

Copyright 2009 Tia Tanindrazana