Dans la męme rubrique

Edito Reraka ambony ihany!

02/07/2020

Tsy mitsahatry ny mitombo avo roa heny ny tarehimarika ofisialy vaovao momba ireo mararin’ny COVID 19 eto Madagasikara. Mitombo ihany koa ny isan’ny maty.

Edito Reraka ambony ihany!

Hamaky ny tohiny...

Resabe tsy nihinanan-kanina !

01/07/2020

Telo volana latsaka herinandro izay no nilazan’ny Filoham-pirenena Andry Rajoelina ny 8 aprily 2020, fa hisy ny fanisam-bahoaka hametrahana ilay antsoina hoe: “digitalisation”

Resabe tsy nihinanan-kanina !

Hamaky ny tohiny...

Amoron-tevana

30/06/2020

Amoron-tevana tsy misy arofanina ankehitriny ny fiainan-dRamalagasy manoloana ny adin-tsaina, mba tsy hilazana hoe horohoron-tsaina, aterak’ity taremarika momba ny aretina COVID 19 tsy mitsaha-mitombo ity.

Amoron-tevana

Hamaky ny tohiny...

Tsy misy tompon'ny ampitso…

29/06/2020

Samy niandry izay zava-baovao hambaran’ny fitondram-panjakana tamin’ny alalan’ny Praiminisitra omaly hariva.

Tsy misy tompon'ny ampitso…

Hamaky ny tohiny...

Tsy nisy tao anatin’ny 60 taona…

25/06/2020

Fomba firesaka sy kabary faheno matetika ambaran’ny Filoham-pirenentsika ankehitriny nanomboka tamin’ny propagandy ny hoe

Tsy nisy tao anatin’ny 60 taona…

Hamaky ny tohiny...

Miha ratsy isan’andro

24/06/2020

Miha ratsy isan’andro ny zava-mitranga eto amin’ny firenena na dia atao ankapobeny fotsiny aza ny fomba fijery azy. Tsy mbola miditra amin’ny tena antsipiriany akory.

Miha ratsy isan’andro

Hamaky ny tohiny...

Mihenjan-droa ny tady

22/06/2020

Mihenjan-droa ny tady saingy fihenjanana hafa kely tsy toy ireo izay nisy hatramin’izay no misy eo amin’ny fitondrana Malagasy sy ireo any ivelan’ny fitondrana.

Mihenjan-droa ny tady

Hamaky ny tohiny...


Edito

Rehefa sahy dia sahy !

19/05/2020

Naherihery ny fitenin’ny Filoham-pirenena Malagasy tato ho ato manoloana ny kihana ataona firenena na vondrona firenena.

 

 

Tsy manaiky lembenana eo anatrehan’ny tsindry samihafa. Hatraiza anefa ny ho fetran’ireny? Tena hahasahy hihenjana hatramin’ny farany sa mba mamono lolo sy maka ny fom-bahoaka fotsiny? Toa manangam-bovona hatrany hatrany ny Filoha ary te hampiseho fa manana ny fiandrianany i Madagasikara. Sarotiny amin’ny fiarovana ny fiandrianam-pirenena. Efa nisy teto Madagasikara ny fitsabahana nataona vahiny, nanaovana tsinontsinona ny fiandrianam-pirenena ka vitan’ny Filoha tamin’izany fotoana ny nandroaka masoivoho Frantsay sy relijiozy iray. Hahavita tahaka izany ve ny Filoha Malagasy ankehitriny eo anatrehan’ny vavaben’ny OMS na koa manoloana ny lonilony amin’ny IPM ohatra? Ho sahy handroaka ny masoivohon’ny OMS eto ve na koa handroaka ny Masoivoho Frantsay eo anatrehan’ny fihetsik’i Lafrantsa tena mihantsy ady sy efa nomelohin’ny Fitondrana Malagasy sy toheriny marin-drano? Mety hanova ny tantara sy hampifoha ny hambopon’ny Malagasy ny tahaka izany ka tena ho sahy ve ny Filoha Andry Rajoelina sa mba te hanao serasera sy maka ny fon’ny Malagasy fotsiny? Mahatonga ny Malagasy hiroharoha saina mantsy ny tantara satria nisy fifamatorana be tamin’ny Frantsay ny Filoha Malagasy, ary mety iankinan’ny fiainam-pianakaviany aza ity firenen-dehibe ity. Tsaroana ny tenin’ny Amiraly Ratsiraka hoe: niangavian’ny Frantsay aho hanampy an’I Andry Rajoelina hanongana an-dRavalomanana. Tena hifamango ve ny zaza nampiana sy nampitaina ka hosokajian’ny namolavola azy ho zana-baratra mitsipa-doha lakana nitàna? Rehefa sahy dia sahy ka ny ho avy no hitsara hoe tena izy ity sa sinema! Na izany na tsy izany, rehefa sahy dia sahy, ary tsy mihemotra raha tsy tratra ny tanjona, toy ny hoe isika tsy maintsy mpandresy tamin’ny fifidianana, ka dia alaho hery ary e!

Toky R

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana