Fil d'actualités du 03/04/2020

  • 03/04/2020 - 18:00 : ASA FANAOVAN-GAZETY: Nampanantsoin'ny Sampan-draharaha miandraikitra ny Cybercriminalité i Arphine na Arp Helisoa mpanao gazetin'ny Valosoa noho izy voatonona ho naniratsira ny Filoham-pirenena ka notorian'ny Fitondram-panjakana. Tànana eny amin'ny BC Anosy izy amin'izao fotoana izao.

  • 03/04/2020 - 13:30 : COVID: Niampy olona 6 indray ny voa ka vokatry ny fifampikasohana tamin'ireo efa voa avokoa ireo tranga ireo. 65 izany izao no voamarina fa mitondra ny Covid-19 eto Madagasikara.

  • 03/04/2020 - 12:45 : FANAMPIANA: Nahatratra 452 tapitrisa ariary ny vola voaangona ankoatra ny fanampiana mivantana mba hiatrehana ny coronavirus.

  • 03/04/2020 - 10:30 : AFRIQUE-MAGHREB: Miisa 58 ny maty any Algérie, ary 847 ny trangana Covid-19; Egypte koa 52 ny maty ary 779 ny tranga; 38 no namoy ny ainy ho an'i Maroc ary 676 no voamarina fa voa; 12 kosa ny maty hatreto an'i Tunisie ary 423 ireo olona mitondra ny Coronavirus.

  • 03/04/2020 - 10:00 : ANTOHOMADINIKA 3G HANGAR: Hitangoronan'ny olona eo amin'ny Biraon'ny Fokontany amin'izao fotoana izao. Tsy mangarahara sy feno kolikoly ny fomba nizarana ny fanampiana, hoy ireo olona.

  • 03/04/2020 - 09:30 : ANTOHOMADINIKA 3G HANGAR: Raikitra ny sakoroka amin'ny fizarana ny fanampiana avy amin'ny fanjakana. Mampiaka-peo ireo milaza fa isan'ireo sahirana kanefa tsy nahazo, ary milaza fa misy ny kolikoly sy kinamanamana.

  • 03/04/2020 - 09:00 : FOFIFA: Mitaky ny fanomezana ny tambin-karamany tsy voahefa ny mpiasa manerana an'i Madagasikara.

  • 03/04/2020 - 08:30 : COVID 19: Hanaovana fidinanana ifotony sy fizaham-pahasalamana faobe ireo toerana nahitana olona tratry ny Covid 19 noho ny fifampikasohana, ary hisy ny fanadiovana faobe, tahaka ny eny Isotry, Ambondrona, Toamasina,...

  • 02/04/2020 - 16:15 : NY RADO RAFALIMANANA: Nidoboka vonjimaika eny Antanimora ny tenany taorian'ny fanadihadiana nataon'ny zandary azy. Nosamborina omaly teny Ivato ity kandida filoha teo aloha ity ary natolotra ny fitsarana androany, ka io ny didy savaranonando.

  • 02/04/2020 - 14:00 : COVID-19: Niampy iray izay tovovavy 19 monina eny Isotry ny olona voa, ka manome ny isa ho 59 ho hatramin'ny androany.

Voir plus d'infos...

03/04/2020

Plus d'infos...

Plus d'infos...


Archive du 20200325

Misongadina

Tohana ara-tsosialy Hizara vola 10 miliara ariary ny fanjakana

25/03/2020

Na dia nitombo roa aza, dia azo ambara hoe vaovao tsara. Avo roa heny ny natao fitiliana omaly mitaha amin’ny andro teo alohany. Nihena ny fitomboana raha ny tarehimarika no jerena? Hoy ny Filoham-pirenena Andry Rajoelina. Ireo avy any an-dafy no atoka-monina. Mbola ampahany na “partiel” ny fitokana-monina satria ao anaty “stade 1”. Mbola misy ny orinasa tsy miankina miasa.

Hamaky ny tohiny...

Actualits

Nampitandrina ny fanjakana “Aleo miafy 15 andro, toy izay 900 isan’andro no maty”

25/03/2020

Mihantra ary hamafisina ny fepetra tsy fahafahana mivezivezy na olona io na fiara eto Antananarivo sy any Toamasina, hoy ny Minisitry ny atitany sady sady Filohan’ny CCO Covid 19 Tianarivelo Razafimahefa.

Hamaky ny tohiny...

Haino aman-jery Mampigadra ny tsy fanarahana baiko

25/03/2020

Tsy maintsy mampita ny RNM sy TVM ny haino aman-jery tsy an-kanavaka eto Madagasikara amin’ny fotoana hisian’ny fampitana vaovao momba ny Coronavirus. Tsy amin’ny 12 ora ka hatramin’ny 2ora ihany fa amin’ny fotoana rehetra hisian’ny famoaham-baovao miainga avy eny amin’ny CCO na ny “Centre de Commandement Operationnel Covid 19” avy eny Ivato, hoy ny Minisitry ny Serasera sy ny kolontsaina Lalatiana Rakotondrazafy Andriatongarivo omaly.

Hamaky ny tohiny...

Asa aman-draharaha Mampiroborobo ny “télétravail” ny Coronavirus

25/03/2020

Mitombo ny tahotra manodidina ny fiparitahan'ny coronavirus ary miezaka ny hampifanaraka azy io ny tontolon'ny asa. Raha toa ka tafiakatra 17 ny isan` ireo olona voamarina fa mitondra tsimokaretina « coronavirus » eto Madagasikara, naka fepetra ireo orinasa sasany eto an-drenivohitra ka hampiharina ny tafiditra ao anatin` ny « télétravail ». Izany hoe, manao ny asa any an-trano fa alefa amin` ny alalan` ny aterineto ny asa.

Hamaky ny tohiny...

Edito

Tsy tan-dalàna!

25/03/2020

Mandalo fotoan-tsarotra ny firenentsika amin'izao fotoana izao. Sambany angamba ny Malagasy, indrindra ny eto an-Renivohitra no norarana tsy hivoaka ny trano, kanefa tsy tany miady na misy krizy ara-politika goavana. Azo hitarafana ny fahazakantsika sedra sy handanjana ny fahefam-panjakana io hoe: hatraiza ny fankatoavan'ny olona manam-pahefana?

Hamaky ny tohiny...

Fifamoivoizana

Taxi be eto an-drenivohitra Matiantoka 50 000 ariary isan’andro

25/03/2020

Mamotika asa fihariana maro eto amintsika ny fisian'ilay otrik'aretina coronavirus. Ankoatra ny tsy fahafahana manohy araka ny tokony ho izy ny fiainana andavanandro dia fidiram. bola maro no mihitsoka.

Hamaky ny tohiny...

Fitaterana Manjaka tokana ireo Taxi moto

25/03/2020

20.000 Ar ny saran-dalana hitondran'ny taxi moto ny olona iray mankany Imerintsiatosika. Nanomboka ny Alatsinainy teo no nitrangan'izany.

Hamaky ny tohiny...

Fahasalamana

Mararin’ny Coronavirus Tsy misy ahiana ny ain’ireo olona 19

25/03/2020

Mivoatra hatrany ny antontam-baovao mahakasika ny valan’aretina coronavirus eto Madagasikara. Tamin’ny 60 nanaovana fitiliana dia ireo natoka-monina sy nifampikasoka taminy, dia ny 2 tamin’ireo no voamarina fa misy ny tsimok’aretina coronavirus.

Hamaky ny tohiny...

Fiatrehana ny Coronavirus Mihorohoro koa ny any amin` ny faritra

25/03/2020

Tsy eto an-drenivohitra ihany fa dia manomboka mihorohoro ny fiparitahan` ny Coronavirus fa ny any amin` ny faritra manerana ny nosy. Ireo mpandeha avy any Frantsa no tena lasibatra tato ho ato. Tany Belo sur Mer, ohatra dia vazaha vavy, mpitantana hotely ao an-toerana, tonga tany an-toerana ny zoma lasa teo no ahiahin` ny mponina. Isan’ireo mpandeha tamin’ny sidina faramparany avy any Frantsa ity vahaza ity no nidina aty amin’ny Faritra Menabe ary tonga ao Belo sur Mer.

Hamaky ny tohiny...

Tapim-bava Azo eritreretina ny hizarana maimaimpoana azy

25/03/2020

Nanao fanambarana ny minisitry ny varotra sy ny fanjifana omaly fa hisy orinasa hamokatra tapim-bava na “masque” miisa 400.000 hanampy amin’ny fiatrehan’i Madagasikara ny Covid19.

Hamaky ny tohiny...

Toekarena

Banky Foiben’i Madagasikara Mitohy ny asa aman’andraikitra

25/03/2020

Nanao fanambarana ny Banky foiben’i Madagasikara (BFM) fa mitohy hatrany ny asa aman’andraikiny na dia eo aza ny fisian’ny valan’aretina Coronavirus. Afaka mbola mamatsy vola hatrany izy ireo ho fampandrosoana ara-toekarena ary nanamafy ny tsy maintsy hiara-miasa amin’ireo mpisehatra amin’ny banky.

Hamaky ny tohiny...

Fifandraisana sy fifanakalozana Ifandrombahana ny “Crédit” , mahazo tombony ny “Money Banking”

25/03/2020

Manomboka miha ritra ny fahana finday (crédit) eny anivon` ireo tsena mpaninjara vokatry ny fisian` ny aretina COVID-19 eto amintsika. Maro mpanjifa no nanao tahiry fahana nandritra ny andro maro, hoy ny fanazavana nataon` I Jacky, mpivarotra “épicerie” etsy Ampitatafika.

Hamaky ny tohiny...

Fampianarana

Mpianatra mijanona ao an-trano Nanome torohevitra ny minisitra

25/03/2020

Maro ny zavatra azo atao mandritr’izao fotoana tsy hisian’ny fampianarana any an-tsekoly izao, hoy ny minisitry ny fanabeazam-pirenena, Rijasoa Andriamanana Josoa. Isan’izany ny famakiam-boky toy ny tantara sy angano, ny lalao isan-karazany, fijerena fahitalavitra, fijerena sarimihetsika na horonan-tsary.

Hamaky ny tohiny...

Fandriampahalemana

Fanafihana Cashpoint teny amin'ny 67 Ha Lehilahy roa nalefa eny Tsiafahy

25/03/2020

Lehilahy miisa 02 no voasambotry ny Polisim-pirenena avy ao amin’ny CSP4 Isotry sy ny Sampan-draharahan’ny Polisy Misahana ny ady heloka bevava sakelika faha-4, ny alakamisy faha 19 martsa teo noho ny resaka fanafihana mitam-piadiana.

Hamaky ny tohiny...

Vaovao avy any ivelany

Praiminisitra Etiopiana Mitaky 150 miliara dolara ho an`i Afrika

25/03/2020

Omaly dia niantso ny G20 na ny vondron` ireo firenena 20 matanjaka indrindra maneran-tany ny praiminisitra Etiopiana, Abiy Ahmed ny mba hanohanana ny toekarena Afrikanina izay miha marefo amin` izao fihanaky ny Covid-19 izao.

Hamaky ny tohiny...

Ady amin’ny Coronavirus Nogiazan’i Italia ireo fitaovam-pisefoana 1840 tokony ho an`i Grèce

25/03/2020

Nanambara ny manampahefana ao Italia fa hamehana ny COVID-19 ao aminy ka nisy fanagiazana fitaovam-pisefoana (circuits respiratoires) miisa 1840, izay tsy maintsy ampiasaina ho an` ireo marary voan` ity aretina ity.

Hamaky ny tohiny...

Dr Razafindranazy Jean-Jacques Naniry ny halevina araka ny fomban-drazana aty Madagasikara

25/03/2020

Malagasy voalohany, nindaosin’ny fahafatesana noho ny “coronavirus” tany Frantsa ny dokotera Razafindranazy Jean-Jacques, izay mpitsabo tao amin` ny hopitalin’i Compiègne, departemantan’i Oise, Faritra Hauts-de-France.

Hamaky ny tohiny...

CHINE Misy valan’aretina vaovao indray

25/03/2020

Raha toa ka nambaran-dry zareo Sinoa fa efa voafehy ny Coronavirus dia toa tsy mbola tafavoaka ny ala izy ireo satria fantatra fa nisy lehilahy iray matin’ny otrik’aretina iray vaovao indray antsoina hoe Hantavirus.

Hamaky ny tohiny...

Manu DiBango Matin’ny Coronavirus

25/03/2020

Mpanakanto zokiolona, mpitsoka saxophone nikoizana, nanabevoho ny tontolon` ny mozika eran-tany. Nodimandry teo amin`ny faha-86 taonany, omaly maraina, tao Parisy Frantsa i Emmanuel N'Djoké Dibango na Manu Dibango.

Hamaky ny tohiny...

Sosialy

BIANCO Madagasikara Amin` ny alalan` ny finday sy mailaka no handraisana ireo fitarainana

25/03/2020

Manoloana ny hahamehana ara-pahasalamana vokatry ny fihanaky ny areti-mandoza COVID19 eto amintsika dia namoaka fanambarana ny avy eo anivon’ny birao mahaleotena miady amin’ny kolikoly na Bianco fa dia miato izany aloha ny fandraisana mivantana ny fitarainana sy fitorohana eo anivon’ny birao mandritry ny fotoana mampanan-kery ny hahamehana. Raisina amin’ny alalan’ny telefaonina, finday, mailaka ary i-toroka avokoa aloha izany, hoy ny fanazavana.

Hamaky ny tohiny...

Fianakaviana tsy manan-kialofana Olona 338 nalefa eny Anosizato

25/03/2020

Nangonina ireo fianakaviana tsy manan-kialofana teto an-drenivohitra, ny teny ambany tonelina, ny tamin’ny sisin-dalana, ny ambany tetezana… ary miisa 338 izy ireo natoby eny amin’ny Centre Social Anosizato izay toerana an'ny Kaominina Antananarivo Renivohitra.

Hamaky ny tohiny...

Tanora mandray andraikitra Miantso fizarana tapim-bava

25/03/2020

Manao antso avo ny fitondram-panjakana ny avy eo anivon’ny fikambanana Tanora mandray andraikitra na TMA mba hizara ireo fitaovana heverin’izy ireo fa madinika entina hiarovana amin’ny fihanak’ilay areti-mandripaka, Coronavirus.

Hamaky ny tohiny...

Fihinanana atsantsa tany Sambava Zaza 13 taona no maty, 3 hafa mbola eny amin'ny hopitaly

25/03/2020

Ny tolakandroan` ny 23 martsa teo dia tovolahikely iray, 13 taona, no namoy ny ainy vokatry ny fihinanana atsantsa (requin). Mpifanolobodirindrina aminy no nahazo atsantsa ka mba nizara dia nihinana izy.

Hamaky ny tohiny...

Vidin’entana eny an-tsena Mbola misy sahy manararaotra ihany

25/03/2020

Na eo aza ny fepetra apetraka sy fampitandremana ataon’ny avy eo anivon’ny fitondram-panjakana ny amin’ny tokony hampidinana ny vidin’entana ilaina an-davan’andro eny an-tsena dia mbola misy amin’ireo mpivarotra hatrany no mampihatra vidin’entana mihoam-pampana, raha ny fitarainan’ireo mpanjifa.

Hamaky ny tohiny...

Biraon’ny Kaominina mikatona Nahemotra avokoa ny fisoratam-panambadiana

25/03/2020

Nikatona avokoa nanomboka ny alatsinainy 23 martsa teo ireo biraom- panjakana eto amintsika. Tafiditra ao anatin'izany ny fokontany sy ny kaominina ialana amin'ny fivorivoriana sy iadiana amin'ny aretina coronavirus.

Hamaky ny tohiny...

Behoririka Nangina tanteraka ny tanàna

25/03/2020

Fepetra noraisina eto Antananarivo Renivohitra ny tsy fahafahan'ny rehetra mivoaka ny trano ho fifehezana ny fipariahan'ny valanaretina coronavirus. Maro ihany ny toerana tsy ahitana olona mbola mifamezivezy, indrindra fa ny tapany maraina. Isan'ny be olona ny eny Behoririka, saingy nangina tanteraka.

Hamaky ny tohiny...

Copyright 2009 Tia Tanindrazana