Dans la mme rubrique

Andry Rajoelina Misy manipy hoditr’akondro

17/04/2019

Tena nanome sary ratsy ary nanimba an’i Hery Rajaonarimampianina ireo olona nanodidina azy (namana, mpanolontsaina, minisitra, depiote, mpiasam-panjakana ambony,…). Telo volana nitantanana ny firenena ny filoha ankehitriny Andry Rajoelina, fa toa efa tratran’io toe-javatra io sahady. Misy ireo akaiky azy tsikaritra fa efa manao fanararaotam-pahefana ary tena manambany olona, fa izy ireo izao no eo amin’ny fahefana. Vao nitondra herinandro vitsy dia toa efa nisy nisoloky hoe iraky ny filoha hanao hanao ny IEM.

Andry Rajoelina Misy manipy hoditr’akondro

Hamaky ny tohiny...

Fifidianana solombavambahoaka Ahiana hihamafy ny hosoka sy hala-bato…

17/04/2019

Manodidina ny 200 000 ny anarana niverimberina efa nodiovina tao anatin’ny lisi-pifidianana taorian’ny fifidianana filoham-pirenena, raha ny nambaran’ny teo anivon’ny CENI. Mbola nisy an’io 200 000 izany tamin’ny fifidianana filoha, izany hoe lisi-pifidianana tsy araka ny tokony ho izy sy azo nanaovana hosoka tsara no nampiasaina. Ny fanalana ireo anarana niverina no ambara mazava ho azy fa tsy nampitombo betsaka firy ny fitomboan’ny isan’ny mpifidy zara raha nisy 0,83% taorian’ny fisokafan’ny lisitra ny volana desambra, izay nikatona vonjimaika tamin’ny 15 febroary, ary ny 15 mey izany hoe: 12 andro aorian’ny fifidianana solombavambahoaka.

Fifidianana solombavambahoaka Ahiana hihamafy ny hosoka sy hala-bato…

Hamaky ny tohiny...

SeFaFi “Solombavambahoaka, inona marina no ilana azy ?”

17/04/2019

Namoaka fanambarana ny Sehatra Fanaraha-Maso Ny Fiainam-Pirenena (SEFAFI) mahakasika ny anton`ny ilana solombavambahoaka. Amin’ny 27 mey ho avy izao, ny olom-pirenena dia hifidy depiote 151 amin’ny kandidà 803 samy hafa. Ny and. 68 ao amin’ny Lalàm-panorenana dia milaza fa « Ny Antenimieram-pirenena sy ny Antenimierandoholona no mandrafitra ny Antenimiera. Izy no mandany ny lalàna sy manara-maso ny asan’ny governemanta ary ny fanaovana tombana ny politikam-panjakana ».

SeFaFi “Solombavambahoaka, inona marina no ilana azy ?”

Hamaky ny tohiny...

Fitantanana ny firenena Be loatra ny kitoatoa !

16/04/2019

Matoa voasokajy ao anatin’ny firenena dimy mahantra indrindra eto ambonin’ny tany ny firenena dia misy zavatra tsy manjary ao, indrindra fa ny fomba fitantanana ny firenena. Mahantra ny 90% mahery amin’ny Malagasy, saingy tsy tokony hohararaotina amin’izany sy hatao tompon-trano mihono satria tsy an’ny mpitondra irery ity firenena ity. Sesilany ny kitoatoa sy ny kimaizimaizina ankehitriny.

Fitantanana ny firenena Be loatra ny kitoatoa !

Hamaky ny tohiny...

Ravalomanana sy ny TIM Maro ireo mbola mahatoky azy

16/04/2019

Tamin’ny fomba makotrokotroka no nandraisan’ny vahoakan’i Betafo an’i Marc Ravalomanana, izay tonga tany an-toerana omaly. Tonga tany an-toerana nanolotra sy nampahafantatra tamin'ny fomba ofisialy ny kandida atolotry ny TIMK25 dia Razafindrakoto William José sy ny ekipany ny filoha nasionalin’ny antoko Tiako I Madagasikara. Vonona ny hiady ho an'ny tombontsoan'ny aty amin'ny faritra eny amin'ny antenimieram-pirenena izy.

Ravalomanana sy ny TIM Maro ireo mbola mahatoky azy

Hamaky ny tohiny...

Minisitry ny atitany Hanambitamby ben` ny tanàna ?

16/04/2019

Hampivory ireo ben` ny tanàna ao Moramanga, Brickaville, Toamasina I sy II, ary Fenoarivo Atsinanana ny minisitry ny Atitany, Tianarivelo Razafimahefa, amin` ity herinandro ity. Delegasionina mahery ny telopolo no hanaraka azy amin`io diany io. Maro ireo lohahevitra ho dinihana mandritra izany fivoriana izany toy ny resaka volan` Ambatovy. Misy kaominina misitraka ny “ristourne” nefa be loatra ny fepetra arahina eo anivon`ny Ministeran` ny vola ka misy tsy mahazo ny sasany.

Minisitry ny atitany Hanambitamby ben` ny tanàna ?

Hamaky ny tohiny...

Kandida Alain Ratsimbazafy -Atsimondrano Efa nahazo fiofanana manokana

15/04/2019

Tokana ihany ny kandida solombavambahoaka hatolotry ny antoko Tiako I Madagasikara ho an’ny distrikan’Antananarivo Atsimondrano dia i Alain Ratsimbazafy, izay efa Ben’ny tanànan’Ambohijanaka

Kandida Alain Ratsimbazafy -Atsimondrano Efa nahazo fiofanana manokana

Hamaky ny tohiny...


Politique

Politika maloton’ny Frantsay Sakana goavana amin’ny fandrosoan’i Afrika

14/09/2018

Nanoratra boky maromaro mitantara ny fanadihadiana nataony tamina firenena maro taty Afrika ny profesora mpahay toekarena sinoa Melhang Chang, izay nandinika ny politikan’i Frantsa amin’ireo tany Afrikanina, izay tsy mampandroso.

 

Ny mpitondra rehetra dia tena jamba manoloana ny fahoriana iainan’ny vahoakany ary tsy misy fanantenana intsony, hoy izy. Ny tena loza dia manana zom-pirenena miisa roa izy ireo, dia ny frantsay sy ny azy. Ny filohany dia mandeha mametraka ny vola sy maka volam-panjanahana tsy mahasoa. Ireo heverina ho manampahaizana, dia karazan’ny mpanaraka baiko sy soavalin’ny frantsay. Hireharehana fatratra ny diploma azo tao Sorbonne heverina ho amboara kanefa hosoka izay tsy mamokatra harena, ary ny fahazoana ny diplaoma “agregation en littérature Française” ohatra, dia ambarany fa tsy hampiova mihitsy ny fahoriana sy ny tsy fanjarian-tsakafo mahazo ny zaza Togoley, zara raha misakafo, tsy misy na inona na inona ao an-dohany. Izany no afitsok’ireo heverina ho manampahaizana sy olona mamiratra manimba ary tsy ho afaka amin’ny lavaka mangitsokitsoka mihitsy ny fireneny. Manamafy izy fa tsy mahasoa ny volan’ny mpanjanatany. Ny tambiny alain’i Frantsa, dia tsy maintsy mametraka ny 50%-n’ny tahirim-bolany any amin’ny tahirimbolam-panjakana frantsay ireo banky. Ny 50%-n’ny fananana any ivelan’ny firenena, dia apetraka isan-taona any amin’ny banky any ivelany. Tsy hanana fahalalahana hisitraka sy tena hikirakira vola ny vahoaka ao amin’ilay firenena Afrikanina. Alefa any Frantsa ny vola mba homena ireo tsy an’asa Frantsay, ireo manan-kilema,… ka amin’ny fomba ahoana ny handrosoana amin’izany ? Mahatratra 14 miliara dolara isan-taona ny tahiry any ivelan’ireo firenena, izany hoe ny Afrikanina no mamatsy ny ampaham-bola ho an’ny tetibolan’ny Frantsay, hoy i Melhang Chang. Raha handray ho ohatra an’i Madagasikara isika, dia tsy takona afenina, firifiry amin’ny mpanao politika, eny fa amin’ireo kandida filoha no mitady vola sy vatsian’ny Frantsay ? Giazany ny vola mipetraka any ivelany rehefa tsy manaraka ny baikony. Potehiny ny mpitondra Afrikanina mitady hanelingelina azy, toa an’i Kolonely Khadafi tany Lybie, izay saika hiara-kiketrika tamina filoha vitsivitsy taty Afrika hanangana Bankin’i Afrika. I Marc Ravalomanana teto Madagasikara niongana.

Toky R

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana