Dans la mme rubrique

Andry Rajoelina Misy manipy hoditr’akondro

17/04/2019

Tena nanome sary ratsy ary nanimba an’i Hery Rajaonarimampianina ireo olona nanodidina azy (namana, mpanolontsaina, minisitra, depiote, mpiasam-panjakana ambony,…). Telo volana nitantanana ny firenena ny filoha ankehitriny Andry Rajoelina, fa toa efa tratran’io toe-javatra io sahady. Misy ireo akaiky azy tsikaritra fa efa manao fanararaotam-pahefana ary tena manambany olona, fa izy ireo izao no eo amin’ny fahefana. Vao nitondra herinandro vitsy dia toa efa nisy nisoloky hoe iraky ny filoha hanao hanao ny IEM.

Andry Rajoelina Misy manipy hoditr’akondro

Hamaky ny tohiny...

Fifidianana solombavambahoaka Ahiana hihamafy ny hosoka sy hala-bato…

17/04/2019

Manodidina ny 200 000 ny anarana niverimberina efa nodiovina tao anatin’ny lisi-pifidianana taorian’ny fifidianana filoham-pirenena, raha ny nambaran’ny teo anivon’ny CENI. Mbola nisy an’io 200 000 izany tamin’ny fifidianana filoha, izany hoe lisi-pifidianana tsy araka ny tokony ho izy sy azo nanaovana hosoka tsara no nampiasaina. Ny fanalana ireo anarana niverina no ambara mazava ho azy fa tsy nampitombo betsaka firy ny fitomboan’ny isan’ny mpifidy zara raha nisy 0,83% taorian’ny fisokafan’ny lisitra ny volana desambra, izay nikatona vonjimaika tamin’ny 15 febroary, ary ny 15 mey izany hoe: 12 andro aorian’ny fifidianana solombavambahoaka.

Fifidianana solombavambahoaka Ahiana hihamafy ny hosoka sy hala-bato…

Hamaky ny tohiny...

SeFaFi “Solombavambahoaka, inona marina no ilana azy ?”

17/04/2019

Namoaka fanambarana ny Sehatra Fanaraha-Maso Ny Fiainam-Pirenena (SEFAFI) mahakasika ny anton`ny ilana solombavambahoaka. Amin’ny 27 mey ho avy izao, ny olom-pirenena dia hifidy depiote 151 amin’ny kandidà 803 samy hafa. Ny and. 68 ao amin’ny Lalàm-panorenana dia milaza fa « Ny Antenimieram-pirenena sy ny Antenimierandoholona no mandrafitra ny Antenimiera. Izy no mandany ny lalàna sy manara-maso ny asan’ny governemanta ary ny fanaovana tombana ny politikam-panjakana ».

SeFaFi “Solombavambahoaka, inona marina no ilana azy ?”

Hamaky ny tohiny...

Fitantanana ny firenena Be loatra ny kitoatoa !

16/04/2019

Matoa voasokajy ao anatin’ny firenena dimy mahantra indrindra eto ambonin’ny tany ny firenena dia misy zavatra tsy manjary ao, indrindra fa ny fomba fitantanana ny firenena. Mahantra ny 90% mahery amin’ny Malagasy, saingy tsy tokony hohararaotina amin’izany sy hatao tompon-trano mihono satria tsy an’ny mpitondra irery ity firenena ity. Sesilany ny kitoatoa sy ny kimaizimaizina ankehitriny.

Fitantanana ny firenena Be loatra ny kitoatoa !

Hamaky ny tohiny...

Ravalomanana sy ny TIM Maro ireo mbola mahatoky azy

16/04/2019

Tamin’ny fomba makotrokotroka no nandraisan’ny vahoakan’i Betafo an’i Marc Ravalomanana, izay tonga tany an-toerana omaly. Tonga tany an-toerana nanolotra sy nampahafantatra tamin'ny fomba ofisialy ny kandida atolotry ny TIMK25 dia Razafindrakoto William José sy ny ekipany ny filoha nasionalin’ny antoko Tiako I Madagasikara. Vonona ny hiady ho an'ny tombontsoan'ny aty amin'ny faritra eny amin'ny antenimieram-pirenena izy.

Ravalomanana sy ny TIM Maro ireo mbola mahatoky azy

Hamaky ny tohiny...

Minisitry ny atitany Hanambitamby ben` ny tanàna ?

16/04/2019

Hampivory ireo ben` ny tanàna ao Moramanga, Brickaville, Toamasina I sy II, ary Fenoarivo Atsinanana ny minisitry ny Atitany, Tianarivelo Razafimahefa, amin` ity herinandro ity. Delegasionina mahery ny telopolo no hanaraka azy amin`io diany io. Maro ireo lohahevitra ho dinihana mandritra izany fivoriana izany toy ny resaka volan` Ambatovy. Misy kaominina misitraka ny “ristourne” nefa be loatra ny fepetra arahina eo anivon`ny Ministeran` ny vola ka misy tsy mahazo ny sasany.

Minisitry ny atitany Hanambitamby ben` ny tanàna ?

Hamaky ny tohiny...

Kandida Alain Ratsimbazafy -Atsimondrano Efa nahazo fiofanana manokana

15/04/2019

Tokana ihany ny kandida solombavambahoaka hatolotry ny antoko Tiako I Madagasikara ho an’ny distrikan’Antananarivo Atsimondrano dia i Alain Ratsimbazafy, izay efa Ben’ny tanànan’Ambohijanaka

Kandida Alain Ratsimbazafy -Atsimondrano Efa nahazo fiofanana manokana

Hamaky ny tohiny...


Politique

Tabera Randriamanantsoa « Misy haino aman-jery manasa atidoha fotsiny ! »

09/11/2018

Niteraka resabe ny voka-pifidianana ho filoham-pirenena nanomboka nivoaka tamin’ireo haino aman-jery isan-karazany nanomboka ny alarobia alina taorian’ny fandatsaham-bato. Samy nanana ny tarehimarika navoakany izy ireny.

 

Nanoloana izany dia naneho ny heviny ny kandida Tabera Randriamanantsoa ary nilaza fa tsy mety ireny ary misy haino aman-jery manasa atidoha fotsiny. Tokony hosaziana ny haino aman-jery manao toy ireny. Nilaza ny fahitany ny zotram-pifidianana ihany koa moa ity filohan’ny antoko politika Kintana ity ary nanambara izao daholo vao miaiky ireo kandida tsy niara-dia taminay 25 mianadahy fa nety ny nataonay raha niantso fanokafana indray ny lisi-pifidianana aloha vao niroso. Niharihary izao fa misy kandida milaza ho favori iray tena nanao hosoka bevata. Miisa 2 tapitrisa ny verin-droa na « doublon ». Fitiavanao ho eny Iavoloha ve no hanaovanao sorona ny firenena ? Manome tsiny ireo avara-pianarana aho, hoy izy, satria nangina ka namela ny vazaha hamiravira an’i Madagasikara. Averina indray fa ny SADC sy ny vondrona eoropeanina sy ny tariny no nanao iny fifidianana iny. Nampahafantatra ihany koa moa ity mpanao politika ity fa nitory ny CENI ireo firaisankinan’ireo kandida miisa 25 tamin’ny 5 novambra teo.

J. Mirija

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana