Dans la mme rubrique

Andry Rajoelina Misy manipy hoditr’akondro

17/04/2019

Tena nanome sary ratsy ary nanimba an’i Hery Rajaonarimampianina ireo olona nanodidina azy (namana, mpanolontsaina, minisitra, depiote, mpiasam-panjakana ambony,…). Telo volana nitantanana ny firenena ny filoha ankehitriny Andry Rajoelina, fa toa efa tratran’io toe-javatra io sahady. Misy ireo akaiky azy tsikaritra fa efa manao fanararaotam-pahefana ary tena manambany olona, fa izy ireo izao no eo amin’ny fahefana. Vao nitondra herinandro vitsy dia toa efa nisy nisoloky hoe iraky ny filoha hanao hanao ny IEM.

Andry Rajoelina Misy manipy hoditr’akondro

Hamaky ny tohiny...

Fifidianana solombavambahoaka Ahiana hihamafy ny hosoka sy hala-bato…

17/04/2019

Manodidina ny 200 000 ny anarana niverimberina efa nodiovina tao anatin’ny lisi-pifidianana taorian’ny fifidianana filoham-pirenena, raha ny nambaran’ny teo anivon’ny CENI. Mbola nisy an’io 200 000 izany tamin’ny fifidianana filoha, izany hoe lisi-pifidianana tsy araka ny tokony ho izy sy azo nanaovana hosoka tsara no nampiasaina. Ny fanalana ireo anarana niverina no ambara mazava ho azy fa tsy nampitombo betsaka firy ny fitomboan’ny isan’ny mpifidy zara raha nisy 0,83% taorian’ny fisokafan’ny lisitra ny volana desambra, izay nikatona vonjimaika tamin’ny 15 febroary, ary ny 15 mey izany hoe: 12 andro aorian’ny fifidianana solombavambahoaka.

Fifidianana solombavambahoaka Ahiana hihamafy ny hosoka sy hala-bato…

Hamaky ny tohiny...

SeFaFi “Solombavambahoaka, inona marina no ilana azy ?”

17/04/2019

Namoaka fanambarana ny Sehatra Fanaraha-Maso Ny Fiainam-Pirenena (SEFAFI) mahakasika ny anton`ny ilana solombavambahoaka. Amin’ny 27 mey ho avy izao, ny olom-pirenena dia hifidy depiote 151 amin’ny kandidà 803 samy hafa. Ny and. 68 ao amin’ny Lalàm-panorenana dia milaza fa « Ny Antenimieram-pirenena sy ny Antenimierandoholona no mandrafitra ny Antenimiera. Izy no mandany ny lalàna sy manara-maso ny asan’ny governemanta ary ny fanaovana tombana ny politikam-panjakana ».

SeFaFi “Solombavambahoaka, inona marina no ilana azy ?”

Hamaky ny tohiny...

Fitantanana ny firenena Be loatra ny kitoatoa !

16/04/2019

Matoa voasokajy ao anatin’ny firenena dimy mahantra indrindra eto ambonin’ny tany ny firenena dia misy zavatra tsy manjary ao, indrindra fa ny fomba fitantanana ny firenena. Mahantra ny 90% mahery amin’ny Malagasy, saingy tsy tokony hohararaotina amin’izany sy hatao tompon-trano mihono satria tsy an’ny mpitondra irery ity firenena ity. Sesilany ny kitoatoa sy ny kimaizimaizina ankehitriny.

Fitantanana ny firenena Be loatra ny kitoatoa !

Hamaky ny tohiny...

Ravalomanana sy ny TIM Maro ireo mbola mahatoky azy

16/04/2019

Tamin’ny fomba makotrokotroka no nandraisan’ny vahoakan’i Betafo an’i Marc Ravalomanana, izay tonga tany an-toerana omaly. Tonga tany an-toerana nanolotra sy nampahafantatra tamin'ny fomba ofisialy ny kandida atolotry ny TIMK25 dia Razafindrakoto William José sy ny ekipany ny filoha nasionalin’ny antoko Tiako I Madagasikara. Vonona ny hiady ho an'ny tombontsoan'ny aty amin'ny faritra eny amin'ny antenimieram-pirenena izy.

Ravalomanana sy ny TIM Maro ireo mbola mahatoky azy

Hamaky ny tohiny...

Minisitry ny atitany Hanambitamby ben` ny tanàna ?

16/04/2019

Hampivory ireo ben` ny tanàna ao Moramanga, Brickaville, Toamasina I sy II, ary Fenoarivo Atsinanana ny minisitry ny Atitany, Tianarivelo Razafimahefa, amin` ity herinandro ity. Delegasionina mahery ny telopolo no hanaraka azy amin`io diany io. Maro ireo lohahevitra ho dinihana mandritra izany fivoriana izany toy ny resaka volan` Ambatovy. Misy kaominina misitraka ny “ristourne” nefa be loatra ny fepetra arahina eo anivon`ny Ministeran` ny vola ka misy tsy mahazo ny sasany.

Minisitry ny atitany Hanambitamby ben` ny tanàna ?

Hamaky ny tohiny...

Kandida Alain Ratsimbazafy -Atsimondrano Efa nahazo fiofanana manokana

15/04/2019

Tokana ihany ny kandida solombavambahoaka hatolotry ny antoko Tiako I Madagasikara ho an’ny distrikan’Antananarivo Atsimondrano dia i Alain Ratsimbazafy, izay efa Ben’ny tanànan’Ambohijanaka

Kandida Alain Ratsimbazafy -Atsimondrano Efa nahazo fiofanana manokana

Hamaky ny tohiny...


Politique

Mampitandrina ny KMMR Misy fetrany ny fandeferana

09/11/2018

Nanao fanambarana ny teo anivon’ny KMMR na ny Komity Mpanohana an’i Marc Ravalomanana, tamin’ny alalan’ny Talen’ny Fampielezan-kevitra Tsehenoarisoa Rabenja omaly noho ny fanambarana hafahafa ataon’ny kandida milaza tena sy mitonon-tena ho mpandresy.

 

 

 

 Zavatra telo lehibe no nambarany, dia ny raharaham-pifidianana filoha, ka nilazany fa tsy raharahana jiolahim-boto ny raharaham-pifidianana filoha. Izahay nandritra iny tontolo andro iny dia niatrika fomba hafahafa, fomba fiasa sy fomba fandresen-dahatra olona hafahafa, hoy izy. Vata fandatsaham-bato feno tany Marovoay, vata angalarina olona manao fanamiana miaramila kanefa tsy miaramila tao Sabotsy Namehana. Misy andiana tompon’andraikitra miaraka amin’ny “badge” an’ny CENI miaraka amin’ny tompon’andraikitra ara-panjakana mihaodihaody eran’ny tanàna mandresy lahatra ny olona hoe aza mandeha mifidy. Tena tsy maotina ny fomba ohatr’izany, hoy ny Filohan’ny KMMR, ary dia teneninay fa manakaiky ny toetran’ny olona tsy mendrika ny hitantana fanjakana. Ny fahatelo, dia ny KMMR izay manohana ny kandida Marc Ravalomanana dia manana ny fomba maoderina rehetra hahafahana milaza ny voka-pifidianana amin’ny fotoana ilana azy. Ankehitriny izahay dia milaza fa manana ny 70%-n’ny voka-pifidianana efa eto aminay ary manana angidim-by izahay hanangonana ny fitanana an-tsoratra, ka ny foibe dia manana ny fitaovana rehetra ara-elektronika mba hahafahana manao ny voka-pifidianana, kanefa dia hajainay ny lalàna ary milaza izahay fa ny CENI no  napetraky ny lalàna hamoaka ny voka-pifidianana, dia antintranterinay fa ny governemanta sy ny CENI, dia tokony haka fepetra faran’izay henjana amin’ny fanasaziana  ny kandida izay mandika lalàna toy io satria efa betsaka loatra izay fandeferana nataon’ny kandida Marc Ravalomanana izay. Lisitra tsy manjary, ny anaran’ny mpitolona tao aminay nesorina tao anaty lisitra, araka ny baiko izay nomena tany amin’ny ambaratongam-pahefana rehetra tany. Ny tanora 18 taona izay noraisina ho toy ny andian-jiolahy ka tsy mahazo mifidy satria ny CENI sy ny governemanta tsy nametraka ny fotoana hifidianana ny filoham-pirenena satria tsy tafiditra tao anaty fanavaozana ny lisi-pifidianana. Aoka isika mba hahatsiaro fa io fandeferana io misy fetrany ihany ny fahazoana manery ny olona hanao izany, ka ankehitriny izahay dia miteny hentitra amintsika rehetra fa ny vahoaka Malagasy dia tsy manaiky intsony ny tsy mety sy tsy mendrika toy izao atao eo anatrehan’ny fanatanterahana fifidianana izao.

Toky R

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana