Dans la mme rubrique

Andry Rajoelina Misy manipy hoditr’akondro

17/04/2019

Tena nanome sary ratsy ary nanimba an’i Hery Rajaonarimampianina ireo olona nanodidina azy (namana, mpanolontsaina, minisitra, depiote, mpiasam-panjakana ambony,…). Telo volana nitantanana ny firenena ny filoha ankehitriny Andry Rajoelina, fa toa efa tratran’io toe-javatra io sahady. Misy ireo akaiky azy tsikaritra fa efa manao fanararaotam-pahefana ary tena manambany olona, fa izy ireo izao no eo amin’ny fahefana. Vao nitondra herinandro vitsy dia toa efa nisy nisoloky hoe iraky ny filoha hanao hanao ny IEM.

Andry Rajoelina Misy manipy hoditr’akondro

Hamaky ny tohiny...

Fifidianana solombavambahoaka Ahiana hihamafy ny hosoka sy hala-bato…

17/04/2019

Manodidina ny 200 000 ny anarana niverimberina efa nodiovina tao anatin’ny lisi-pifidianana taorian’ny fifidianana filoham-pirenena, raha ny nambaran’ny teo anivon’ny CENI. Mbola nisy an’io 200 000 izany tamin’ny fifidianana filoha, izany hoe lisi-pifidianana tsy araka ny tokony ho izy sy azo nanaovana hosoka tsara no nampiasaina. Ny fanalana ireo anarana niverina no ambara mazava ho azy fa tsy nampitombo betsaka firy ny fitomboan’ny isan’ny mpifidy zara raha nisy 0,83% taorian’ny fisokafan’ny lisitra ny volana desambra, izay nikatona vonjimaika tamin’ny 15 febroary, ary ny 15 mey izany hoe: 12 andro aorian’ny fifidianana solombavambahoaka.

Fifidianana solombavambahoaka Ahiana hihamafy ny hosoka sy hala-bato…

Hamaky ny tohiny...

SeFaFi “Solombavambahoaka, inona marina no ilana azy ?”

17/04/2019

Namoaka fanambarana ny Sehatra Fanaraha-Maso Ny Fiainam-Pirenena (SEFAFI) mahakasika ny anton`ny ilana solombavambahoaka. Amin’ny 27 mey ho avy izao, ny olom-pirenena dia hifidy depiote 151 amin’ny kandidà 803 samy hafa. Ny and. 68 ao amin’ny Lalàm-panorenana dia milaza fa « Ny Antenimieram-pirenena sy ny Antenimierandoholona no mandrafitra ny Antenimiera. Izy no mandany ny lalàna sy manara-maso ny asan’ny governemanta ary ny fanaovana tombana ny politikam-panjakana ».

SeFaFi “Solombavambahoaka, inona marina no ilana azy ?”

Hamaky ny tohiny...

Fitantanana ny firenena Be loatra ny kitoatoa !

16/04/2019

Matoa voasokajy ao anatin’ny firenena dimy mahantra indrindra eto ambonin’ny tany ny firenena dia misy zavatra tsy manjary ao, indrindra fa ny fomba fitantanana ny firenena. Mahantra ny 90% mahery amin’ny Malagasy, saingy tsy tokony hohararaotina amin’izany sy hatao tompon-trano mihono satria tsy an’ny mpitondra irery ity firenena ity. Sesilany ny kitoatoa sy ny kimaizimaizina ankehitriny.

Fitantanana ny firenena Be loatra ny kitoatoa !

Hamaky ny tohiny...

Ravalomanana sy ny TIM Maro ireo mbola mahatoky azy

16/04/2019

Tamin’ny fomba makotrokotroka no nandraisan’ny vahoakan’i Betafo an’i Marc Ravalomanana, izay tonga tany an-toerana omaly. Tonga tany an-toerana nanolotra sy nampahafantatra tamin'ny fomba ofisialy ny kandida atolotry ny TIMK25 dia Razafindrakoto William José sy ny ekipany ny filoha nasionalin’ny antoko Tiako I Madagasikara. Vonona ny hiady ho an'ny tombontsoan'ny aty amin'ny faritra eny amin'ny antenimieram-pirenena izy.

Ravalomanana sy ny TIM Maro ireo mbola mahatoky azy

Hamaky ny tohiny...

Minisitry ny atitany Hanambitamby ben` ny tanàna ?

16/04/2019

Hampivory ireo ben` ny tanàna ao Moramanga, Brickaville, Toamasina I sy II, ary Fenoarivo Atsinanana ny minisitry ny Atitany, Tianarivelo Razafimahefa, amin` ity herinandro ity. Delegasionina mahery ny telopolo no hanaraka azy amin`io diany io. Maro ireo lohahevitra ho dinihana mandritra izany fivoriana izany toy ny resaka volan` Ambatovy. Misy kaominina misitraka ny “ristourne” nefa be loatra ny fepetra arahina eo anivon`ny Ministeran` ny vola ka misy tsy mahazo ny sasany.

Minisitry ny atitany Hanambitamby ben` ny tanàna ?

Hamaky ny tohiny...

Kandida Alain Ratsimbazafy -Atsimondrano Efa nahazo fiofanana manokana

15/04/2019

Tokana ihany ny kandida solombavambahoaka hatolotry ny antoko Tiako I Madagasikara ho an’ny distrikan’Antananarivo Atsimondrano dia i Alain Ratsimbazafy, izay efa Ben’ny tanànan’Ambohijanaka

Kandida Alain Ratsimbazafy -Atsimondrano Efa nahazo fiofanana manokana

Hamaky ny tohiny...


Politique

Akon’ny fifidianana filoham-pirenena Nisy ny tsy fahatomombanana

09/11/2018

Vita ihany ny fifidianana fihodinana voalohany teto Madagasikara izay nandrasan’ny Malagasy.

 

 

 

Nanaiky fa nisy ny lesoka tamin’ny resadresaka nifanaovan’ny Gazety Tia Tanindrazana tamin’ireo olom-pirenena samihafa saingy niara-nilaza ihany koa anefa fa tena zava-dehibe ny fahatanterahan’iny fifidianana notanterahina teo iny. 

Pasitera Irako Andriamahazosoa

“Amin’ny maha filohan’ny Fiangonan’i Jesoa Kristy eto Madagasikara ny tenako dia manentana ny kristianina sy ny vahoaka Malagasy aho ho tena feno vavaka, indrindra amin’ny fiandrasana ny voka-pifidianana. Ekeko fa betsaka ny tsy tomombana satria na ny tao an-tokantranoko aza dia nisy ny tsy tafiditra anaty lisi-pifidianana. Amin’izao fotoana izao no tena mila hijoroana ary tsy tokony hitsahatra amin’ny fiainam-bavaka mba hanehoan’Andriamanitra ny voninahiny ity firenentsika ity. Tian’Andriamanitra loatra i Madagasikara”. 

Arlette Ramaroson

“Tsy mbola nahita fifidianana tahaka ity ny tenako satria tena betsaka loatra ny olona tsy voasoratra anaty lisi-pifidianana ary maro ny tsy afaka nifidy. 39 monja no voalaza ho nifidy ahy manerana an’I Madagasikara kanefa ny fianakaviako izay mpanohana ahy fotsiny aza no efa misy aman-jatony. Tahaka izany koa ireo namana mivondrona ao anatin’ny firaisan-kinan’ny kandida tahaka an-dry Fanirisoa Ernaivo, Dadafara ary I Pastora Mailhol izay tena fantatra sady tian’ny olona any amin’ny toerana nihaviany sy ny fiangonana entiny kanefa dia hita ho niniana nalatsaka be ny vato azon’izy ireo. Hita maso be loatra ny tsy fahatomombanan’ity fifidianana ity ary tena mandeha amin’ny tsy tokony ho izy kanefa dia lazain’ny vondrona iraisam-pirenena ho tena milamina. Samy manana ny vokatra eo an-tanany ireo kandida 2 mitarika ary tena samihafa ny vokatra ka ahiana hatrany ny korontana. Mbola hivory izahay firaisankinan’ny kandida ary handray fanapahan-kevitra manoloana izao fifidianana kitoatoa nataon’ny CENI izao.”

Sefora Grace Mikala

“Avy any Gabon ny tenako ary amin’ny maha mpanara-maso avy amin’ny vondrona iraisam-pirenena ahy dia hitako nilamina ihany tamin’ny ankapobeny iny fifidianana natao omaly iny. Birao fandatsaham-bato miisa 2 no narahako maso akaiky: ny iray teny 67ha Andrefana nanomboka tamin’ny 5 maraina ka hatramin’ny 12 ora antoandro. Ny zavatra tsikaritra dia nisy ny fitavozavozana kely satria ny olona efa nilahatra be hifidy kanefa tamin’ny 7 ora latsaka vao nisokatra ny birao. Amin’ny 6 maraina anefa no fotoana nomena ny olom-pirenena. Hita teny ihany koa ny fidiran’ny olona vitsivitsy tsy mitondra “badge” nefa dia mivezivezy ao anatin’ny birao. Ny tapany hariva indray dia nijery ny teny Antanimena II EPP Ankazomanga aho. Nilamina sy nizotra am-pilaminana kosa ny teny ary nahafinaritra ny fandraisan’andraikitry ny mpikambana tompon’andraikitra tao amin’ny birao fandatsaham-bato”.

 

Haingo Rasolofonjoa kandida laharana 1

“Enga anie tsy hisy fotsiny ny korontana fa betsaka loatra ny tsy fahalavorariana teo amin’ny fikarakarana ny fifidianana. Irina ny fitoniana eto Madagasikara ary tena ilaina ny fanavaozana ny fototra sy fomba fisainan’ny tsirairay. Tokony hanatanteraka ny fampanantenana nataony ny kandida izay ho tafita eo fa efa tena mahantra ny vahoaka Malagasy. Raha izaho manokana dia manaiky izay voka-pifidianana hiseho eo fa na izany aza dia hanara-maso akaiky ihaany ary miray feo amin’ny firaisankinan”ny kandida”.

Ramamonjisoa Rindra

“Amin’ny maha mpandraharaha sy mpahay toekarena ny tenako dia ilaina hatrany ny fitoniana mba hampandroso haingana ny toekarena. Na dia nisy aza ny famingampinganana natao tamin’ny kandida laharana faha-25 tamin’ireny fanelezana trakta teny an’arabe manentana ny olona tsy hifidy ireny dia mazava hatrany ny fitiavan’ny olona azy. Amin’izao fotoana izao no tena ilaina ny fandraisan’andraikitry ny CENI ary aoka mba hiasa amin’ny fahamarinana amin’ny fanangonana ny vokatra rehetra. Efa ela niaretana loatra ny vahoaka fa aleo mba hisandratra haingana amin’ny fanatanterahana ny MANIFESTO”.

 

Nangonin’i Tsirinasolo

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana