Dans la mme rubrique

Foara Vidy Varotra faha-11 Mpitsidika 50 000 no andrasana etsy Mahamasina

22/11/2019

Hiverina ny Foara Vidy Varotra ka hatao mandritra ny efatra andro dia 28-29-30 novambra, ary hifanarana ny 1 desambra etsy amin’ny Lapan’ny Fanatanjahantena sy Kolontsaina Mahamasina ny andiany faha-11.

Foara Vidy Varotra faha-11 Mpitsidika 50 000 no andrasana etsy Mahamasina

Hamaky ny tohiny...

Maroantsetra Nopotehin’andian’olona ny JIRAMA

21/11/2019

Nisy andian’olona nirohotra namotika ny atin’ny tobim-paritry ny JIRAMA ao Maroantsetra, afak’omaly hariva, tokony ho tamin’ny 7 ora sy sasany.

Maroantsetra Nopotehin’andian’olona ny JIRAMA

Hamaky ny tohiny...

Sehatra nomerika Tsy takatry ny maro ny sarany

21/11/2019

Mila ahena na soloina mihitsy ny hetra alaina amin’ny lafiny nomerika hoy ireo mpisehatra amin’izany

Sehatra nomerika Tsy takatry ny maro ny sarany

Hamaky ny tohiny...

Tavoahangy plastika Tena manimba tontolo iainana, 900 taona vao levona

21/11/2019

100 ka hatramin’ny 900 taona vao levona ny tavoahangy plastika iray raha haparitaka fotsiny eny rehetra eny.

Tavoahangy plastika Tena manimba tontolo iainana, 900 taona vao levona

Hamaky ny tohiny...

Fakana fasika eny Ikopa Ahiana hamotika fotodrafitrasa maro

21/11/2019

Lakana enina na fito isan’andro no maka fasika ao ambany tetezan’Ampasika, lalovan’ny ranon’Ikopa amin’izao no hitan’ireo tompon’andraikitra eny an-toerana manao izany asa izany tsy mitsahatra.

Fakana fasika eny Ikopa Ahiana hamotika fotodrafitrasa maro

Hamaky ny tohiny...

Rano fisotro azo antoka Mitady hanahirana

20/11/2019

Ny rano atolotry ny Jirama efa iaraha-mahita fa na toy ny lokon-dranom-boamadilo na mandroatra be.

Rano fisotro azo antoka Mitady hanahirana

Hamaky ny tohiny...

Fanajana ny zon’ny ankizy 2 tapitrisa mahery ireo tsy manan-tsiny tokony havotana

20/11/2019

Mbola goragora tanteraka ny fampiharana sy fanajana ny zon’ny ankizy eto amintsika.

Fanajana ny zon’ny ankizy 2 tapitrisa mahery ireo tsy manan-tsiny tokony havotana

Hamaky ny tohiny...


Sosialy

Loza mahatsiravina Olona 9 maty teny Ambanin’Ampamarinana

21/01/2019

Olona 9 no namoy ny ainy noho ny fihotsahan’ny vato be sy ny tany teny amin’ny fokontany Tsimialonjafy eny Ambanin’Ampamarinana ny alin’ny sabotsy 19 janoary teo tokony ho tamin`ny 8 ora alina ny sabotsy lasa teo.

 

 Vokatry ny oram-be nikija ka niteraka fahalemen’ny tany no tombanana ho nampihotsaka sy nampikodia ny vato, nanototra ny trano vitsivitsy. Ankoatra ireo izay voakitika fa tsy naninona dia trano efatra no fantatra fa nirodana. Nananosarotra ny fikarohana ireo olona tototra, ka ny sabotsy dia razana iray no tafavoaka. Ny vaovao nampitain’ny zandarimariam-pirenena omaly alahady maraina dia niakatra dimy no maty tamin’io loza io ary telo hafa naratra ka naiditra hopitaly. Nisy aina nafoy tamin’ny fianjeran’ireo trano rava ireo. Nisy ihany koa olona tototra ary mbola nokarohina. Araka ny filazan’ny tompon’andraikitra iray avy amin’ny BNGRC omaly dia tafakatra 9 ireo namoy ainy. Nananosarotra tokoa ny fikarohana sy ny famonjena ireo tra-boina satria dia tao anaty orana no nanaovana izany. Anisan’ireo namoy ny ainy nandritra io loza io ny olona 3 tao anatina ankohonana iray satria samy namoy ny ainy ny ankizy mianadahikely sy ny rainy, fa ny renin’izy ireo no hany tafavoaka velona. Nifarimbona tamin’ny asa famonjena ny ZP, ny mpamonjy voina, ny Tafika malagasy avy ao amin’ny "Corps de Protection Civile" ary ny polisim-pirenena. Tranga iray hafa ihany koa tao amin`ny faritra Andoharano Tsimbazaza, izay nahafatesana olona miisa telo teny Tsimbazaza ny sabotsy alina io ihany koa raha ny fampitam-baovao azo eo anivon`ny Kaominina Antananarivo Renivohitra (CUA). Ny fihotsahan’ny tany no niavin’ny loza, izay nianjera tao amin’ireo tokantrano. Mandalo andro ratsy isika eto Madagasikara amin’izao andro fahavaratra izao araka ny nambaran’ny sampandraharaha mpamantatra ny toetr’andro. Tandinindon-doza avokoa ireo toerana ambony toerana, indrindra ireo toerana izay miorina manakaiky hantsana sy ambanin’ny vatobe. Efa nidina ifotony teny an-toerana, ny praiminisitra, ny minisitry ny mponina, ny minisitry ny atitany, ary ny prefen’ny polisy eto Antananarivo Renivohitra, ireo depioten’ny Boriborintany faha-4. Tamin’izany no nanapahana hevitra ny amin’ny handraisana an-tanana avy hatrany ireo niharam-boina. Ho fisorohana ny loza toy izao dia mampilaza ny eto anivon’ny kaominina Antananarivo Renivohitra ny hialan’ireo mponina mipetraka amin’ireny faritra mety hampidi-doza ireny. Tsiahivina fa ny alin’ny 17 febroary 2018, dia efa nisy vatobe nihotsaka tahaka izao teny Ampamarinana, ka tsy latsaky ny 7 no namoy ny ainy tamin’izany. Mankahery ireo niharan-doza sy mirary fiononana ho an’ny fianakavian’ireo namoy havana izahay eto amin’ny gazety Tia Tanindrazana.

 

Marigny A. sy Toky R

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana