Dans la mme rubrique

Halatra moto Saika raikitra ny fitsaram-bahoaka

01/04/2020

Andro atoandro be nanahary tokony ho tamin’ny 1 ora sy fahefany tolakandro no nitrangan’ny fikasan’ny tovolahy iray saika hangalatra moto tao amin’ny lalam-baovaon’ny fokontanin’i Tanambao V, Toamasina.

Halatra moto Saika raikitra ny fitsaram-bahoaka

Hamaky ny tohiny...

Ambatoroka Maty voatifitry ilay jiolahy saika hanafika Villa

31/03/2020

Manao fanamby hatrany ny poisim-pirenena fa tsy hitsitsy mihitsy manoloana ireo olon-dratsy mbola mahasahy manararaotra ny vahoaka Malagasy amin'izao toe-java-miseho eto amin'ny firenena izao.

Ambatoroka Maty voatifitry ilay jiolahy saika hanafika Villa

Hamaky ny tohiny...

Sahamadio 67 ha Lehilahy iray tratra nanendaka vehivavy 3

30/03/2020

Lehilahy iray 31taona no voasambotry ny Polisy miasa ao amin'ny CSP 7 67ha ny 26 martsa 2020 lasa teo teny Sahamadio 67ha noho ny resaka fanendahana.

Sahamadio 67 ha Lehilahy iray tratra nanendaka vehivavy 3

Hamaky ny tohiny...

Fihibohana an-trano Tsy mahasakana ny mpanao ratsy

27/03/2020

Nanakoako ny feon’ireo alika nivovoa ny alin’ny 25 martsa teo tao amin’ny fokontanin’Ambohitrakely.

Fihibohana an-trano Tsy mahasakana ny mpanao ratsy

Hamaky ny tohiny...

Antohomadinika, Antanimena, Analakely Miasa vao maraim-be ireo mpandidy poketra sy mpanendaka

26/03/2020

Lehilahy 2 no voasambotry ny Polisim-pirenena avy ao amin’ny CSP7 ny sabotsy faha 21 martsa 2020 teo tetsy Antohomadinika rehefa avy nanendaka vehivavy iray.

Antohomadinika, Antanimena, Analakely Miasa vao maraim-be ireo mpandidy poketra sy mpanendaka

Hamaky ny tohiny...

Fanafihana Cashpoint teny amin'ny 67 Ha Lehilahy roa nalefa eny Tsiafahy

25/03/2020

Lehilahy miisa 02 no voasambotry ny Polisim-pirenena avy ao amin’ny CSP4 Isotry sy ny Sampan-draharahan’ny Polisy Misahana ny ady heloka bevava sakelika faha-4, ny alakamisy faha 19 martsa teo noho ny resaka fanafihana mitam-piadiana.

Fanafihana Cashpoint teny amin'ny 67 Ha Lehilahy roa nalefa eny Tsiafahy

Hamaky ny tohiny...

Asan-jiolahy Mpivady nokapaina famaky teo imason-janany

16/03/2020

Asan-jiolahy Mpivady nokapaina famaky teo imason-janany

Hamaky ny tohiny...


Fandriampahalemana

Asan-jiolahy efa voaomana Raikitra ny “opération” tobin-tsolika

23/07/2019

Sesilany indray ny fanafihana toby mpaninjara solika tato ho ato. Jiolahy miisa 4 tsy nisaron-tava nirongo basy no nanafika ny Shell teny Ankadindramamy eo amin’ny Vatosoa omaly alatsinainy 22 jolay maraina tokony ho tamin’ny 6 ora sasany.

 

 

 Vola tamin’ny sakaosy tokony ho 70 000 000Ar maty nandritra ny 3 andro saika haterina tany amin’ny banky izy io. Vao nikasa hiditra tao anaty fiara ilay mpitantana ny tobin-tsolika no notsenain’ireo jiolahy tamin’ny basy. Voatery nanome ny vola, ka nanapoaka basy in-telo sady nitsoaka nihazo ny elakela-trano ireo olon-dratsy, ka tsy nisy afa-nihetsika ny rehetra. Voalaza fa misy « caméra de surveillance »  ny toerana, ka ho hita eo ny fikarohana satria samy tonga teny ny avy amin’ny polisy sy ny zandary antsasakadiny teo ho eo taorian’ny fanafihana. Efa matetika ny fanafihana eo amin’io tobin-dasantsy io, ary vao volana vitsy ihany koa no nisy nanafika ny trano fivarotana lehibe mifanila eo.

Voatafika ihany koa ny tao Antsirabe

Voatafika ny alin’ny alahady hifoha omaly alatsinainy ihany koa ny toby fitsinjarana solika Jovena Tsiory Andrefan'ny Star ao Antsirabe. Vidin-tsolika ny faran'ny herinadro no lasan'ireo jiolahy tamin'izany satria dia voavakin'izy ireo ny fitoeram-bola tao. Avy any an-damosin'ny birao no nidirany ary nesoriny ny "caméra de surveillance" tao anatin'ny birao sy ny solosaina fitehirizana ireo sary rehetra tao amin'ny birao ary nentin'izy ireo. Tsy nanam-po ny tranga moa ireo mpiasa niasa ny alina ka ny mpitantana ny toeram-pivarotan-tsolika hiasa ny alatsinainy maraina no gaga nahita ny fahavakisana. Marihina anefa fa misy polisy roalahy miasa eo amin'ity toerana ity, ankoatra ireo mpiasa izay miasa 24/24ora, izay voalaza fa samy tsy nahalala n'inona n'inona. Efa misokatra moa ny fanadihadiana ary voatery notanana vonjimaika aloha ireo mpitandro filaminana sy ireo mpiasa niasa ny alina.

Ankorondrano, Itaosy, Ankadimbahoaka…

Ny 15 mey, dia mpanatitra vola matin’ny tobin-tsolika no maty nisy nitifitra teny Anosiala Ambohidratrimo, raha saika hanatitra vola teny Mahitsy. Ny takarivan’ny 25 jona no nisy nanafika ny Jovena tetsy Ankorondrano, ka roalahy nandeha “scooter” no nanambana basy ny “pompiste” sy mbola naka vola tamin’ireo fiara naka solika teo. Talohan’ireny dia efa nisy ny fanafihana ny mpanatitra volan’ny Jovena Anosimasina Itaosy, fa tsy nahazo vola ireo jiolahy. Efatra volana lasa ihany koa izay ny fanafihana ny mpanatitra volan’ny teny Galana Ankadimbahoaka. Tsikaritra tamin’ireo tranga rehetra ireo fa ampy vaovao tsara ireo jiolahy ary efa nanomana paikady hanatanterahana ny asa ratsin’izy ireo.

 

Toky R

 

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana