Dans la mme rubrique

Maitre Hanitra “Izahay tsy maintsy miteny”

19/10/2020

Vao maraina dia efa rakotra mpitandro ny filaminana tao amin’ny Magro Mahajanga ny sabotsy lasa teo.

Maitre Hanitra “Izahay tsy maintsy miteny”

Hamaky ny tohiny...

Nicolas Dupuis “Tsy manana olana amin’i Njiva sy Dax aho”

19/10/2020

Nigadona an-tanindrazana ny sabotsy alina teo ny Delegasiona Malagasy nitondra ny BAREA tany Maroc izay niatrika ny lalao ara-pirahalahiana tamin-dry zareo Burkinabe ny 12 oktobra teo,

Nicolas Dupuis “Tsy manana olana amin’i Njiva sy Dax aho”

Hamaky ny tohiny...

Antoko DHD “Hay fahefana tsy refesi-mandidy no tanjona ?”

19/10/2020

Ny tena nambara dia hoe foanana ny antenimierandoholona fa mandany vola be eto Madagasikara, hoy ny filohan’ny antoko politika DHD, Hary Naivo Rasamoelina, nampahatsiahy ny nambaran’ny filoham-pirenena,

Antoko DHD “Hay fahefana tsy refesi-mandidy no tanjona ?”

Hamaky ny tohiny...

Rivo Rakotovao “Efa ny HCC sy ny primatiora no manao ny asanay ”

19/10/2020

Naneho ny heviny manoloana ny valitenin` ny Fitsarana momba ny lalàmpanorenana (HCC) mikasika ny fifidianana loholona ny filohan`ny Antenimierandoholona, Rivo Rakotovao.

Rivo Rakotovao “Efa ny HCC sy ny primatiora no manao ny asanay ”

Hamaky ny tohiny...

Fifidianana loholona “Saritsarin-datsa-bato sisa atao”

19/10/2020

Naneho ny heviny manoloana ny valitenin` ny Fitsarana avo momba ny lalàmpanorenana (HCC) mikasika ny fifidianana loholona sy ireo fitoriana samihafa ny loholona Luc Rabarison.

Fifidianana loholona “Saritsarin-datsa-bato sisa atao”

Hamaky ny tohiny...

Fifidianana loholona 14 ireo lisitra kandidà hifaninana

19/10/2020

Hanenjika ny maro an` isa ny fitondrana amin` ny fifidianana loholona izay tanterahina ny 11 desambra izao tahaka ny Antenimieram-pirenena. Raha ny isa vonjimaika navokan`ny CENI dia miisa 14 ireo lisitra kandidà hiatrika izany fifidianana izany.

Fifidianana loholona 14 ireo lisitra kandidà hifaninana

Hamaky ny tohiny...

Fetison Rakoto Andrianirina « Fihatsarambelatsihy ny fankalazana ny Repoblika ! »

16/10/2020

14 Oktobra, itsingerenan’ny nanambarana ny maha Repoblika an’i Madagasikara. Maro ny fanehoan-kevitra manodidina azy io. Manana ny fahitany azy ny Antoko Roso ho amin’ny Demokrasia Sosialy tarihin’i Fetison Rakoto Andrianirina.

Fetison Rakoto Andrianirina « Fihatsarambelatsihy ny fankalazana ny Repoblika ! »

Hamaky ny tohiny...


Politique

2009-2019 Misy afera maro tsy mazavazava

28/08/2019

Misy zavatra sy tranga marobe tsy mazavazava mifandraika amin’ny politika maizina teto Madagasikara nanomboka ny 2009 hatramin’izao 2019 izao.

 Maro ny vavolombelona nahita ka ao ny efa maty ary misy ny mbola velona fa mifidy ny hifitsaka. Misy ny nomena seza. Misy ny mahalala zavatra ka voatery niala teto Madagasikara sy miaina any ivelany noho ny fanahiana ny ainy. Misy ny manao ampamoaka tahaka an’i Fleury Rakotomalala, toy ny niresahany ny raharaha 7 febroary 2009 izay efa nanamelohana an-dRavalomanana, saingy nolavin’ity farany hatramin’ny farany. Nampisehoan’i Fleury Rakotomalala ny sary samihafa nilazany fa tetika efa maty paika ny 7 febroary, izay ivon’ny fanonganam-panjakana 2009. Nisy ny olona efa tafasaoty any amin’ny tsy tokony ho voatifitra kanefa tratry ny bala ka avy any an-dapa ve izany, hoy izy. Teo ihany koa ny filazany fa avy any amin’ny seranan-tsambon’i Vohémar no niditra ireo fitaovam-piadiana saika hanaovana ady an-trano teto. Ny fampiasam-bola be tsy fanta-piaviana tamin’ny propagandy moa dia zary nangina, na ny Vondrona Eoropeanina izao aza no nilaza fa nizara vola ny kandida Rajoelina. Izany rehetra izany no mety nahatonga ny fanapahan-kevitra tamin’ny voka-pifidianana filoha ho heverina fa fanapahan-kevitra politika fa tsy teknika hoe: aleo atao i Andry Rajoelina no lany fa tsy I Marc Ravalomanana. Afera tsy mazava mandrak’androany ny mahakasika 2 baoritra tratra nentin’ny depiote Lanto Rakotomanga ny 8 jolay 2015, izay nalaza fa saika hamatsiana fanakorontanana firenena tsy nahomby,… Raharaha iray hafa isan’ny lehibe ny fahafatesan-dRtoa Nadine Ramaroson. Feno 8 taona katroka anio 28 aogositra ny nahafatesan’ity minisitry ny mponina teo aloha ity, izay namoahan’ny tranonkala  http://collectif-gtt.org fa olona akaiky ny filoha ihany no nampamono azy tamin’ny alalan’ny loza nomanina. Nisy fivoriana tamina Lapam-panjakana iray ny 13 jolay 2011 nikotrehana izany, ka olona ambony, minisitra, manamboninahitra, teratany karana,… no nikaondoha, hoy io loharanom-baovao io. Na ara-politika na ara-tsosialy, toa nisy olona ambony takony sy mpanao afera voakitikitika tombotsoa. Tsy voatery ho vaovao diso na “fake news” daholo rahateo ny ampamoaka mivoaka amin’ny facebook sy ny twitter, fa mila porofoina ny maha diso azy raha diso tokoa. Tsy mety ilay hoe ajanona sy boriboriana fotsiny amin’izao sy lazaina fotsiny hoe: “adala” io, tahaka ilay natao tamin’ny Kolonely Charles Andrianasoavina izay vavolombelona sy nandray anjara tamin’ny fanonganam-panjakana 2009 nilaza ny tsiambaratelo maro.

Toky R

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana