Dans la mme rubrique

RN 7 - Toliara Maty tao anaty fiara ilay vehivavy

06/07/2020

Nahazo loharanom-baovao ny zandary fa misy fiara mitondra vehivavy marary mampiahiahy niainga teto Antananarivo nihazo an’i Toliara ny 3 jolay teo.

RN 7 - Toliara Maty tao anaty fiara ilay vehivavy

Hamaky ny tohiny...

Lalàna mifehy ny PAC « Mila hazavaina amin’ ireo mpisehatra nasionaly rehetra”

06/07/2020

Ireo fiovana lehibe naroson' ny Antenimieram-pirenena dia ny fanesorana ny fandikan-dalàna ara-toekarena sy ara-bola izay eo ambanin` ny fiahian` ny fitsarana misahana ny ady amin’ny kolikoly (PAC),

Lalàna mifehy ny PAC « Mila hazavaina amin’ ireo mpisehatra nasionaly rehetra”

Hamaky ny tohiny...

Jeneraly Richard Ravalomanana “ 31 185 no efa tratra, mbola hohenjanina ny sazy”

06/07/2020

Hampihatra ny lalàna ny zandarimaria, ny polisim-pirenena, ny tafika. Fitiavana sy fitsinjovana ny vahoaka Malagasy no tanjona ary mampalahelo ny tsy

Jeneraly Richard Ravalomanana “ 31 185 no efa tratra, mbola hohenjanina ny sazy”

Hamaky ny tohiny...

Masoivoho Frantsay Miato avokoa ireo asa eto Antananarivo

06/07/2020

Manoloana ny fepetra noraisin` ny fitondram-panjakana mahakasika ny fihibohana eto amin`ny faritra Analamanga, dia nanatanteraka fivoriana entina iatrehina izany (cellule de crise) ao amin’ny masoivoho frantsay.

Masoivoho Frantsay Miato avokoa ireo asa eto Antananarivo

Hamaky ny tohiny...

Minisiteran` ny fiarovam-pirenena Novatsiana fitaovam-piarovana ny “Usine militaire”

06/07/2020

Ho fanohanana an` ireo toeram-pitsaboana sy ny toeram-piasan’ ny eo anivon’ny Ministeran’ny Fiarovam-pirenena (usine militaire) dia namatsy fitaovam-piarovana (EPI) izy ireo.

Minisiteran` ny fiarovam-pirenena Novatsiana fitaovam-piarovana ny “Usine militaire”

Hamaky ny tohiny...

Faritra arovana Menabe Antimena Velarana ala 56 ha no kila may nisy nandoro

06/07/2020

Velarana ala 56 ha ao amin’ny Faritra arovana Menabe Antimena no kila hotohoton’ny afo, herinandro lasa izay, ka ny 8 ha tamin'izany dia vao nambolena zanakazo ny volana febroary sy martsa 2020 lasa teo.

Faritra arovana Menabe Antimena Velarana ala 56 ha no kila may nisy nandoro

Hamaky ny tohiny...

Antsirabe Ho tapaka ny jiro amina toerana maro

03/07/2020

Ao anatin’ny fanatsarana famatsiana angovo ao Antsirabe dia nojerena hatry ny omaly ny hahafahan’ny orinasa Jirama manatontosa izany.

Antsirabe Ho tapaka ny jiro amina toerana maro

Hamaky ny tohiny...


Actualits

Raharaha Helikoptera Mpanao gazety 2 voaheloka handoa10 tapitrisa Ar avy

20/09/2019

Sazy henjana, dia fandoavana lamandy 10 tapitrisa ariary no nomen’ny Fitsarana an’i Nadia Raonimanalina talen’ny famoahan’ny gazety Le Quotidien sy Mahery Rabearivony gazetin’ny 24h Mada,

 

 araka ny didim-pitsarana omaly. Afaka madiodio kosa i Arphine Rahelisoa mpanao gazetin’ny Valosoa sady miandraikitra ny seraseran’ny kaominina Antananarivo (CUA) sy ny talen’ny kolontsaina eo anivon’ny CUA  Patrick Andriamisa. Raha tsiahivina, notorian’ny fanjakana tamin’ny alalan’ny Etamazaoron’ny Tafika noho ny famoaham-baovao tsy marina tamin’ny tambajotra fesiboky momba ilay angidimby nisidina tao amin’ny kianjaben’i Mahamasina ny 30 aogositra teo izy 4 mianadahy ireo. Resaka « cybercriminalité » no nentina niampangana an-dry zareo, ka nilatsahan’izao sazy izao, raha jerena amin’ny heloka. Ny andininy faha-20 amin’ny lalàna mifehy io « cybercriminalité » io no nampiharina. Tsy rariny ilay didim-pitsarana. Nambara fa fanalam-baraka tamin’ny alalan’ny lahatsoratra. Tsy nisy filazana hoe tafika Malagasy mihitsy tao, hoy kosa ny mpisolovava Vivier Raoelson. Tsy miditra lalina amin’ny fitsarana mpanao gazety ny minisiteran’ny serasera, hoy kosa ny Tale jeneraly Atoa Fanahimanana Tiaray, izay milaza fa mampanaja ny etika sy deontolojia no anjaran’izy ireo. Nisy fanjakana niongana ve teo sa nisy firenena nikorontana noho ny zavatra navoakan’izy ireo ? Sazy tsy misy famonjana ary ambara fa fananarana amin’ny alalan’ny fandoavana lamandy no natao ho an’ny mpanao gazety tamin’ny hadisoana arak’asa. Onitra volabe 10 tapitrisa ariary, izay mety ho karaman’ny mpanao gazety an-taonany maro. Firy ny orinasan-gazety afaka hiaina amin'izany . Na ny orinasa an-gazety mpiandany amin’ny fitondrana aza tsy manakarama ireo mpiasany amina volabe afaka hiatrehana ny tahaka izao. Firy amin'ireo orinasan-gazety eto amintsika no afaka handoa io ? Azo natao ny fandisoana sy fanitsiana ny vaovao na “démenti”, saingy tsy te hahalala ny fanjakana. Ampahafirin’ny fanalam-baraka sy fanompana maro samihafa ao anaty “facebook” ny nataon’izy mianadahy ireo. “Rehefa tena tiana hovonoina ny alika dia lazaina fa romotra”, hoy ny fitenenana. Maro ny pejy, indrindra fa ireo manao seraseran’ny mpitondra no manao zavatra mamohehitra lavitra noho ny heloka nataon’izy mianadahy ireo, saingy tsy voakitika ireny satria manasohaso fitondrana. Hampiakatra ny raharaha amin’ny ambaratongam-pitsarana ny mpiaro ny voaheloka anio amin’ny 10 ora sy sasany maraina, ka andrasana ny tohiny.

 

“Mampieritreritra ity tranga iray ity satria hikatona tsikelikely ny orinasan-tserasera ary ho very asa ireo mpanao gazety raha izao no mitohy. Samy efa nanao hadisoana avokoa ny rehetra raha amin’ity sehatry ny asa fanaovan-gazety ity no jerena. Akoho ve no vonoina dia hitondrana famaky?”, hoy Atoa Rakotonirina Gerard, filohan’ny holafitry ny mpanao gazety  na ny OJM. 

Toky R

 

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana