Dans la mme rubrique

Resy ny valalabemandry

01/04/2020

Roa herinandro latsaka kely izay no nihatra teto amin’ny tanin’ny Repoblikan’i Madagasikara ny hamehana ara-pahasalamana.

Resy ny valalabemandry

Hamaky ny tohiny...

An-tendro-molotra fotsiny ?

30/03/2020

Tsy andron’ny fifanomezan-tsiny intsony izao, hoy ny filoham-pirenena tamin’ny andro voalohany nanambarany fa tafiditra eto ity areti-mandripaka.

An-tendro-molotra fotsiny ?

Hamaky ny tohiny...

Ady mafy

28/03/2020

Aza heverina ho toy ny anaty fety na kermesy sy andro tsy iasana fa handraisan-karama isika, hoy ny minisitry ny atitany izay omaly.

Ady mafy

Hamaky ny tohiny...

Aza mora tezitra moa e

27/03/2020

Hita ho tezitra sy hendratrendratra be ihany ny filoham-pirenena halina raha niresaka mivantana tao amin’ny TVM ;

Aza mora tezitra moa e

Hamaky ny tohiny...

Mbola tsy afaka misioka aloha

26/03/2020

Maha velombolo ny fahenoana fa efa mizotra tsikelikely ho amin’ny fahasalamana ny ampahany betsaka amin’ireo voambara ofisialy fa tratrin’ilay aretina COVID19 hatreto.

Mbola tsy afaka misioka aloha

Hamaky ny tohiny...

Tsy tan-dalàna!

25/03/2020

Mandalo fotoan-tsarotra ny firenentsika amin'izao fotoana izao. Sambany angamba ny Malagasy, indrindra ny eto an-Renivohitra no norarana tsy hivoaka ny trano, kanefa tsy tany miady na misy krizy ara-politika goavana. Azo hitarafana ny fahazakantsika sedra sy handanjana ny fahefam-panjakana io hoe: hatraiza ny fankatoavan'ny olona manam-pahefana?

Tsy tan-dalàna!

Hamaky ny tohiny...

Hifamelona sy hifamono?

23/03/2020

Mandalo fotoan-tsarotra ny firenena. Tena mbola tsy nisy angamba ny toy izao, raha ny endriny no jerena. Sedra iraisana amin’izao tontolo izao anefa io amin’ny lafiny iray.

Hifamelona sy hifamono?

Hamaky ny tohiny...


Edito

Mandrora mitsilany

19/03/2020

Azo lazaina hoe tao anatin’ny herinandro izao dia “niaina tsotra” ny vahoaka. Saika fanambarana feno fampiombonana sy fifanentanana hatrany no matetika heno.

 

 Iaraha-mahafantatra ny antony. Mahatsiaro manana ady iombonana ny rehetra satria aina no hiantran’ilay tranga, hoy ny fanazavan’ilay mpanakanto iray izay. Rehefa miverina mitodika amin’ny zava-misy omaly tampoka fotsiny anefa dia toy ny sosoa voatapo-drano sahady ny fifanentanana mba efa nezahana natao handaminana ny fiarahamonina rehetra ao anatin’izao zava-misy izao. Mbola maro hatrany ireo Malagasy tsy misy atao fa dia mandany andro amin’ny fifanaratsiana sy fiantsiana any anaty tambazotran-tserasera isan-karazany ihany. Nirongatra mihitsy izy omaly izay ary mampametra-panontaniana hoe inona ary no mba tombony ho an’ireo olona na vondron’olona manatontosa azy ireny. Ahazoam-bola ve sa tombontsoa manao ahoana? Na atao hoe misy izany rehetra izany aza anefa, azo inoana fa hahatsara fiafara sy hampandry heritreritra ilay manaiky hanao azy ve? Ny mahagaga amintsika Malagasy dia tsy mety tonga saina mihitsy isika mahita ireo firenena niara-dalàna sy mahantra noho isika taloha izay efa lasa lavitra ankehitriny satria tsy nandany andro tamin’ny tsy misy dikany sy mokamoka amina tombontsoa samirery mety hanimba ny fireneny. Tombontsoa ho an’iza moa ny fampahantrana ity firenena ity? Samy miara-mitotongana eto daholo ny Malagasy tsy an-kanavaka rehefa midina ny sandam-bolan’ny firenena. Raha tsy hoe hitsoaka tsy hipetraka eto intsony angaha! Firifiry tamin’ireny nanandrana niala teto ireny anefa moa no tsy voan’ny atao hoe hanina ny tany nihaviana na “le mal du pays”, araka ny famaritan’ny vahiny azy izay? Mampahatsiaro mpandraharaha Malagasy malaza tamin’ny fotoan’androny niteny tamina gazety vahiny iray izay hoe “manina ny gaboraraka ao Madagasikara aho izany.” Tsy midika izany akory fa tsara ny gaboraraka fa tiana hihaviana dia ny hoe hafa ihany izany tany nihaviana izany ary mitovy amin’ny mandrora mitsilany izay manao ny tsy mety any.

J. Mirija

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana