Dans la męme rubrique

Miakatra ny maripana

13/08/2020

Adinodino ny raharaha valanaretina coronavirus, fa toe-draharaha hafa indray no mahazo vahana ankehitriny.

Miakatra ny maripana

Hamaky ny tohiny...

Famaizana miampy fahamaizana

12/08/2020

Firifiry moa izany izay ny trano, fonenana, toerana, eny tanàna mihitsy aza no may kila tao anatin’izao fitondrana vao tsy ampy roa taona izao akory? Tsy sanatria fota-mandry

Famaizana miampy fahamaizana

Hamaky ny tohiny...

Ahiahy tsy hihavanana

11/08/2020

Manomboka afa-bela amin’ny valanaretina isika, raha fintinina ny voalazan’ny Filoham-pirenena Andry Rajoelina.

Ahiahy tsy hihavanana

Hamaky ny tohiny...

Miandry foana

10/08/2020

Na inona kabary na inona toromarika omen’ny filoham-pirenena isa-tapabola aloha dia inoana fa efa iaraha-mahalala, raha tsy hoe dia tena odiana fanina, ny hetahetan’ny ankamaroan’ny Malagasy dia ny mba hilaminan-tsaina eo am-pikarohana izay hanin-kohanina.

Miandry foana

Hamaky ny tohiny...

Tsy vonon-kiova

18/07/2020

Izahay izao no eto, hoy ilay tompon’andraiki-panjakana iray izay nialoha kelin’ny niandohan’izao fipariahana valanaretina eto Madagasikara izao. Toa

Tsy vonon-kiova

Hamaky ny tohiny...

Fahamaizana avo lenta

16/07/2020

Mety tsy tena niteraka resabe loatra na dia mampiahiahy ihany aza ny fahamaizan’ireo trano hazo nisesisesy teto an-drenivohitra.

Fahamaizana avo lenta

Hamaky ny tohiny...

Hajao ny fepetra

15/07/2020

« Sorena kely aho miresaka aminareo androany, mba tsy hitenenako hoe sorena be” Ampahan-tenin` ny Filoha Rajoelina raha nanatrika ny fanaovana fitiliana faobe ny tsimokaretina COVID-19 tany Toamasina ny 07 mey lasa teo

Hajao ny fepetra

Hamaky ny tohiny...


Edito

Ny omaly tsy miova

13/07/2020

Samy niandry izay ho valan-dresaky ny Filoham-pirenena Andry Rajoelina ny vahoaka Malagasy omaly hariva.

 

 

Zava-dehibe ny fanehoana, fa miasa sy manao ny ezaka amin’izao ady lehibe hatrehina izao ny mpitondra. Tsy miala amin’ny fomba firesany, miezaka manenjika ny hafa, tsy manaiky ny mety ho fahadisoany,.... Ny fitanisana ny heveriny fa fahadisoana sy azo hanenjehana ny teo alohany no entiny manadio ny tenany. Fampiombonana, vahaolana mivaingana no andrasana saingy mbola miharihary hatrany ny finiavana handoka tena, handoka ny fanjakana tarihina ho tena manao ny mety sy ny tsara. Ny kabary sy dokam-barotra tsy miala mihitsy. Matoa mandeha ny kihana samihafa, dia misy zavatra tsy mandeha araka ny tokony ho izy ao. Tsy mila mandoka tena, tsy mila manao dokam-barotra, tsy mila manaratsy ny hafa,… ny Filoha sy ny ekipany dia manaraka azy ho azy eo ny vahoaka raha tena mety sy araka ny filan’ny Malagasy ny tolotra omen’ny fitondram-panjakana ny valalabemandry. Tsy propagandy intsony no ilaina sy hakana ny fon’ny vahoaka fa miainga amin’ny asa atao ho famahana ny olany, ny fahitsiana sy mangarahara asehon’ny fanjakana,… Ny teny, toy ny salaka, hoy ny fomba fitenintsika Malagasy, ka ny tena ihany no hafatony. Matetika no handrenesana teny mifanohitra ambara, ka hafa no lazaina anio, ary hafa rahampitso, hany ka tsy mino intsony ny olona. Hafa no lazain’ny tena, ary hafa no lazain’ny ekipa ao anaty fanjakana, toy ny resaka fiara nandanian’ny fanjakana vola araka ny tenin’ny Filoha omaly, kanefa ny minisitra ao anaty governemantany nandany rora niaro fatratra ny fanjakana fa tsy novidiana izany ireo fiara tsy mataoho-dàlana be dia be ampiasaina amin’ny coronavirus. Na nohabadoina hatry ny ela aza ny vahoaka Malagasy dia inoana fa mba afaka mandanjalanja ireny resaka samihafa ireny. Manaraka sy mankatoa ny mpitondra ho azy, raha tena mijery ny mahasoa ny valalabemandry ny mpitondra, madio fo, mahitsy, mangarahara, tsy mivadibadi-dela, mahalala ny marary ny valalabemandry,…

Toky R

 

 <<Retour

 

Réagissez sur l'article - 0 réaction(s)

Hametraka fanamarihana

Captcha Recharger l'image

Copyright 2009 Tia Tanindrazana